sēnt cān 5

1kā ponipayik oma ki otihcipayiw o wihkohtowiniwāw cowak; cisas māka cērosalamihk ki itohtēw. 2cērosalamihk māka ki ihtakwan ciki māyatihko iskwātēmihk, wayipēyāw, iparowi kiswēwinihk pētēsta ē isiyihkātēk, niyananwayak ē pitawiskwatēmiwahk. 3ēkota māka ē pimisihkik ē kihci mihcēticik aniki kā ākosicik, ēkā kā wāpicik, kā waciskācik, kā nipowisicik, ē pēhtācik nipiyiw kita wayākamipayiyik. 5ēkota māka ki ayāw pēyak ayisiyiniw, sāsay nistomitanaw ayinānēosāp tahto aski ē ki akosit. 6ispi māka cisas wiyāpamāt ē pimisiniyit, mina ē kiskēyimāt sāsay kinwēs omisi ē ki isi ayāyit, ki itēw, ki wi iyinikaikosin ci? 7ana māka kā ākosit nāpēw ki nāskwēwasimēw, okimāw, nama awiyak ayisiyiniw nit ayāwāw, kita pakitinit nipihk, ispi ē wāyākamipayik nipi, mēkwāc māka ē pē itotiyān, kotak māna āsiskon pakopēw. 8cisas māka omisi itēw, waniskā, otina ki nipēwin, mina pimohtē. 9sēmāk māka ana nāpēw ki iyinikaāw, ē ki otinahk o nipēwin, mina ē ki pimohtēt; ayamihēkisikaw māka ēwakwanima ē kisikāk.

10 # nihimāya 13:19; cērimāya 17:21 ēkosi cowak ki itēwak anihi kā ki iyinikaimit, ayamihēkisikaw oma; namawiya itastēw oyasowēwin kita pimitakonaman ki nipēwin. 11ki naskwēwasimēw māka, ana kā ki iyinikait ēwako kā ki isit, otina ki nipēwin, mina pimohtē. 12ki kakwēcimēwak māka, kēko ayisiyiniw ana kā ki itisk, otina ki nipēwin, mina pimohtē? 13ana māka kā ki iyinikahiht namawiya ki kiskēyimēw awēnānihi; cikēmā cisas ki sipwētaiso, ē mihcētiwit ēkota. 14mwēstas iyikohk māka cisas ki miskawēw kihci ayamihēwikamikohk, omisi māka ki itēw, mātika, ki ki iyinikaikawin; ēkāwiya wikāc mina maci tota: māskoc awasimē ki kā māyi otihtikon. 15ki sipwētēw māka ana nāpēw ē ki natawi wihtamawāt cowa, cisasa ēwakwani kā ki iyinikaikot. 16ēwako māka ohci cowak ki wi māyitotawēwak cisasa, cikēmā oma ē ki ayitotamiyit ē ayamihēkisikāyik.

17cisas māka ki naskwēwasimēw, notāwi atoskēw anohc isko, nista māka nit atoskān. 18ēwakwēyiw māka ohci cowak awasimē ki natonamwak kita nipaacik, namawiya piko ē ki pikonāmiyit ē ayamihēkisikāyik, māka ē ki itwēyit kisēmanito noyotāwin, ē wici ispitēyitākosiisot kisēmanitowa. 19cisas māka ki naskwēwasimēw omisi ē ki itāt, tāpwē, tāpwē, kit itināwāw, okosisimāw nama kēkway kita ki totahk, piko ē isi wāpamāt wēyotāwihk ē ayitotamiyit; ē isihcikēyit ēkosi wista mwēhci ēsicikēt okosisimāw. 20otāwimāw sākihēw okosisimāwa, mina kahkiyaw kēkway wāpahtaēw ē isihcikēt; kita wāpahtaēw māka awasimē kihci atoskēwina ispic ohi, kita māmaskātamēk. 21cikēmā otāwimāw kā isi waniskānat kā nipiyit, ēkosi ē pimācihāt; ēkosi wista okosisimāw isi pimaciēw awiya wā pimāciaci. 22cikēmā otāwimāw namawiya awiya oyasowātēw māka ki pakitinamawēw kahkiyaw oyasowasiwēwin okosisimāwa; 23kahkiyaw māka ayisiyiniwak kita kistēyimācik okosisimāwa, tāpiskoc kā isi kistēyimācik otāwimāwa, ana isa ēkā kā kistēyimāt okosisimāwa, namawiya kistēyimēw otāwimāwa kā ki pē isitisawāyit. 24tāpwē, tāpwē, kit itināwāw, ana kā pēhtahk nit itwēwiniyiw, mina kā tāpwētawāt kā pē isitisahoyit, ayāw kākikē pimātisiwin namawiya māka nanipomikowinihk kita pē itohtēw; māka mayāskam nipowin pimātisiwinihk isi. 25tāpwē, tāpwē, kit itināwāw, pāpayiw tipaikan, sāsāy isa piko, ispi kā nipicik kē pētawacik kisēmanitowi kosisana; aniki māka kē pētawacik kita pimātisiwak. 26cikēmā kā isi opimatisiwinit otāwimāw; ēkosi ki isi miyēw okosisa kita opimatisiwiniyit; 27mina ē ki miyāt tipēyihcikēwin kita kaskitayit oyasowāsiwēwin, cikēmā ē iyiniwikosisāniwiyit. 28ēkāwiya māmaskatēyitamok oma; cikēmā pāpayiw tipaikan, ispi kahkiyaw yikwahaskānihk kā ayācik kē pētamwāci ot itwēwiniyiw, 29#tāniēl 12:2kita pē waniskāwak māka; kā ki miyo isihcikēcik, āpisisinowinihk pimātisiwinihk; māka kā ki maci isihcikēk, āpisisinowinihk oyasowātikowinahk. 30namawiya niya kēkway ni kā ki pēyako kaskitān; ē ititamān, nit isi oyasowan; kwayaskwan māka nit itasowēwin; cikēmā namawiya ni natonēn niya nit itēyitamowin, ot itēyitamowin māka ana kā pē isitisahot. 31kispin niya acimisoyāni, namawiya tāpwēmakan nit ācimowin.

32kotak itāw kā acimit; ni kiskēyitēn māka ot ācimowin kā itacimit ē tāpwēmakaniyik. 33#cān 1:19-27; 3:27-30ki ki kakwēcimāwāw cān, ki ātotam māka tāpwēwin. 34māka ācimikowin kā otinamān namawiya ayisiyinihk ohci; ēyiwēhk māka ohi nit itwān, kita ohci pimātisiyēk. 35ēwakwāna wāsaskotēnikan ē saskitēk mina ē wāsaskotēk: ki ki itēyitēnāwāw māka nomakēs kita miyawātamēk o wāsēyāsiwinihk. 36māka niya nit ayān nawac kihci ācimikowin ispic cān; atoskēwina kā ki miyit wēyotāwihk kita kisitāyān, ēwakoni atoskēwina ē itotamān, kā ācimikoyān, ē ki pē isitisahot wēyotāwihk. 37#mātyo 3:17; mārk 1:11; lok 3:22wista māka wēyotāwihk kā ki pē isitisahot, ni ki ācimik. namawikāc kohci pētawāwāw, ahpo kohci wāpamāwāw ēsinakosit. 38namawiya mina ki kikiskākowānāwāw ot ayamiwin; cikēmā anihi kā ki pē isitisawāt, namawiya ki tāpwētāmāwa.

39ki natonikānāwāw kihci masinahikēwinihk; cikēmā ēkota nit ayānān kakikē pimātisiwin kit itēyitēnāwāw; ēwakoni māka kā ācimikoyān. 40namawiya mina ki wi pē nāsināwāw, kita ayāyēk pimātisiwin. 41namawiya ayisiyinihk nohtinēn kistēyitākosiwin. 42māka ki kiskēyimitināwāw, ēkā ē kikiskākoyēk kisēmanito o sākihiwēwin. 43notāwi ot isiyihkāsowinihk ni pē itohtān, namawiya māka kotinināwāw; kispin kotak awiyak tipiyaw ot isiyihkāsowinihk pē itohtēt, ēwako ki ka otināwāw. 44tānisi kē ki isi tāpwētamēk, kiyawāw kā otinamatoyēk kistēyitākosiwin ēkosi kistēyitākosiwin kā mēkit ana piko kēsēmanitowit namawiya ki natonēnāwāw? 45ēkāwiya itēyitamok kita māyācimostawak wēyotāwihk kiyawāw ohci: ihtāw pēyak ē māyācimikoyēk: mosis oti, kā mamisiyēk. 46ki tāpwētawawēkopanē mosis, ki ka ki tāpwētawitāwāw: cikēmā ni ki ācimik o masinahikēwinihk. 47māka kispin ēkā tāpwētamēko o masinahikēwina, tānisi kē isi tāpwētamēk nit itwēwina?

Currently Selected:

sēnt cān 5: KKMR

Highlight

Copy