Popular Bible Verses from sēnt cān 5

Share

tāpwē, tāpwē, kit itināwāw, ana kā pēhtahk nit itwēwiniyiw, mina kā tāpwētawāt kā pē isitisahoyit, ayāw kākikē pimātisiwin namawiya māka nanipomikowinihk kita pē itohtēw; māka mayāskam nipowin pimātisiwinihk isi.

ispi māka cisas wiyāpamāt ē pimisiniyit, mina ē kiskēyimāt sāsay kinwēs omisi ē ki isi ayāyit, ki itēw, ki wi iyinikaikosin ci?

ki natonikānāwāw kihci masinahikēwinihk; cikēmā ēkota nit ayānān kakikē pimātisiwin kit itēyitēnāwāw; ēwakoni māka kā ācimikoyān. namawiya mina ki wi pē nāsināwāw, kita ayāyēk pimātisiwin.

cisas māka omisi itēw, waniskā, otina ki nipēwin, mina pimohtē. sēmāk māka ana nāpēw ki iyinikaāw, ē ki otinahk o nipēwin, mina ē ki pimohtēt; ayamihēkisikaw māka ēwakwanima ē kisikāk.

cisas māka ki naskwēwasimēw omisi ē ki itāt, tāpwē, tāpwē, kit itināwāw, okosisimāw nama kēkway kita ki totahk, piko ē isi wāpamāt wēyotāwihk ē ayitotamiyit; ē isihcikēyit ēkosi wista mwēhci ēsicikēt okosisimāw.