sēnt cān 18

1ispi māka cisas kā poni ayitwēt ohi itwēwina, ki sipwētēw kiki o kiskinohamawākana akāmihk sipisis kitaran, ita ē ki ihtakwahk kistikān, ēkota māka ki pihtokēw, wiya mina o kiskinohamawākana. 2cotas māka wista, ana kā wayēsipakitināt, ki kiskēyitam anima: cikēmā cisas micētwāw ēkota ki isi wicēwēw o kiskinohamawākana. 3cotas māka, ē ki miyiht simākanisa, mina otiniwēwa kihci ayamihēwiyiniwa mina pārasiwa ohci, ki takosinwak ē kikicik wāsaskotinamākana mina wāsaskotēnikana mina pakamākana. 4cisas māka ē kiskēyitahk kahkiyaw kē isi otihtikot, ki ati sipwētēw, mina omisi ki itēw, awēna nētonawāyēk? 5ki naskwēwasimēwak, cisas nāsaritihk wēhcit. cisas itēw, niya ēwako. cotas māka kā wayēsipakitināt, ki wicikāpawistawēw. 6ispi māka ētāt, niya ēwako, ki asipayiwak, ē ki pahkisihkik mocihk. 7mina māka ki kakwēcimēw, awina nētonawāyēk? ēkosi ki itēwak, cisas nāsaritihk wēhcit. 8cisas ki naskwēwasimēw, ki ki wihtamātināwāw niya ēwako; kispin māka niya ki natonawināwāw, kiyām oki kita sipwētēwak: 9kita tipipayiyik itwēwin kā ki itwēt, aniki kā ki miyiyan namawāc pēyak nohci waniaw. 10ēkosi sāiman pitar isawēsk ē ayāt, ki otitinam, ē ki pakamawāt māwaci kihci ayamihēwiyiniwa ot atoskēyākaniyiwa, ē ki maniwēpaamwāt otawakāyiw kiciniskihk itēkē. ana atoskēyākan māka mālkas ki isiyihkāso. 11#mātyo 26:39; mārk 14:36; lok 22:42cisas māka ki itēw pitara, astā kit isawēsk picikomānānihk: minikwākan wēyotāwihk kā ki miyit, nama ci ni ka minikwān?

12ēkosi māka simākanisak mina simākanisiwikimāw, mina otiniwēmiwāwa cowak, ki otihtinēwak cisasa mina ki mamācikwapitēwak, 13ēkosi ki itohtatamawēwak nikān ānasa; cikēmā ēwako kāyapās osisa, ēwako kā kihci ayamihēwiyiniwit ēwakwānima ē askiwahk. 14#cān 11:49,50kāyapas māka ēwakwāna kā ki kakēskimāt cowa, ē isi natawēyitākwahk pēyak nāpēw kita nipostamawāt ayisiyiniwa.

15sāiman pitar māka ki pimitisawēw cisasa, ēkosi mina kotak kiskinohamawākan. ana māka kiskinohamawākan ki nisitawēyimik māwaci kihci ayamihēwiyiniwa, ēkosi ki wicipitokēmēw cisasa o wāskāhikaniyihk māwaci kihci ayamihēwiyiniwa; 16māka pitar ki nipawiw iskwātēmihk wayawitimihk. ēkosi ana kotak kiskinohamawākan kā nisitawēyimikot māwaci kihci ayamihēwiyiniwa ki wayawiw mina ki kitotēw iskwēwa kā kanawēyitamiyit iskwātēm, mina ki pihtokahēw pitara. 17oskinikiskwēw māka kā kanawiskwātawēt ki itēw pitara, kiya ci pēyak awa nāpēw o kiskinohamawākana? ki itwēw, namawiya niya. 18atoskēyākanak māka mina otiniwēwak ki nanipawiwak ēkota, ē ki kotawēcik kaskaskasēkāna ohci; cikēmā ki takāyāw; ki ayawasoak māka: pitar wista ēkota ayāw, ē nipawit ē ayawasot.

19māwaci kihci ayamihēwiyiniw māka ki kakwēcimēw cisasa o kiskinohamawākaniyiwa ohci, mina o kiskinohamākēwiniyiw. 20cisas māka ki naskwēwasimēw, mosis ni ki pikiskwān askihk; tahki ni ki kiskinohamākān ayamihēwikamikohk mina kihci ayamihēwikamikohk, ita cowak ē māmawi ayācik; kimoc māka wiya nama nāntaw kēkway noh itwān. 21tānēki niya kā kakwēcimiyan? kakwēcimik aniki kā ki pētawicik, tānisi kā ayitahkik: cist, oki kiskēyitamwak kā ki ayitwēyān. 22ispi māka omisi kā itwēt, pēyak otiniwēwa ēkota ē nipawiyit ki pakamaok cisas ocihciyiw ohci ē itikot, ēkosi ci ēsi naskwēwasimat māwaci kihci ayamihēwiyiniw? 23cisas ki naskwēwasimēw, kispin kā maci pikiskwēwānē atota ita ē māyātāhk: māka kispin kwayask ētwēwānē, tānēki kā pakamaoyan? 24ānas māka ki isitisahamawēw kēyāpic ē mamācikwapisoyit kāyapāsa māwaci kihci ayamihēwiyiniwa.

25sāiman pitar māka ēkota ki nipawiw ē awasot. ki itēwak māka, kiya ci mina pēyak o kiskinohamawākana? ki ānwētam, māka, ē itwēt, namawiya niya. 26pēyak ot atoskēyākana ana māwaci kihci ayamihēwiyiniw, o wākomākana anihi otawakāyiw pitar kā ki maniwēpaamwāt, itēw, nama ci ki ki wāpamitin ē wicēwat kistikānihk? 27pitar māka ki ānwētam mina: sēmāk māka pakaākwan ki kito.

28anita māka kāyapas kā ayāt ki ati ohci sipwētahēwak cisasa ē ki itohtaācik oyasowēwikamikohk: ē kēkisēpāyāk māka; ēkosi wiyawāw namawiya pihtokēwak oyasowēwikamikohk, ē kostakik kita wiyipiikocik, māka kita micicik mayāskotāto wihkohtowin. 29pailat māka ki wayawiw, omisi ē ki itāt, kēkway ētāmimāyēk awa nāpēw? 30ki naskwēwasimēwak mina ki itēwak, kispin ēkā awa nāpēw ki macitotaskit, namawiya ki ka ki pakitinamātitān. 31pailat māka ki itēw, otinihk kiyawāw, mina oyasowātihk ē itastēk koyasowēwiniwāw. cowa ki itik, namawiya itastēw oyasowēwin niyanān ayisiyiniw kita nipaayāhk: 32#cān 3:14; 12:32kita tipipayiyik ot itwēwin cisas kā ki itwēt, ē wihtahk tānisi kē isi nipit. 33pailat māka ki pihtokēw mina oyasowēwikamikohk, ē ki natomāt māka cisasa omisi ē ki itāt, kiya ci cowak o kihci okimāmiwāwa? 34cisas ki naskwēwasimēw, kiya ci oma kā itwēyan, ahpo ci kotakak ki ki wihtamākwak oma ē itikawiyān? 35pailat ki naskwēwasimēw, ni cowin ci? kiya ki witaskimākanak mina kihci ayamihēwiyiniwak ki ki pakitinikwak kita oyasowātitān: kēkway kā itotaman? 36cisas ki naskwēwasimēw, ni kihci okimāwiwin namawiya ota askihk ohcimakan: kispin ni kihci okimāwiwin ota askihk ki ohcimakahk, o ka ki notinikātāwāw nit atoskēyākanak, ēkā kita pakitinikawiyān ocihciwāhk cowak: māka ni kihci okimāwiwin namawiya ota askihk ohcimakan. 37pailat māka ki itēw, ki kihci okimāwin ci māka? cisas ki naskwēwasimēw, kit itwān ē kihci okimāwiyān. ēwako oma kā ki ohci nokosiyān, mina ēwako oma kā ki ohci takosiniyān ota askihk, kita ātotamān tāpwēwin. kahkiyaw awiyak tāpwēwinihk kā tipēyitākosit natohtam nit itwēwin. 38pailat itēw, kēkway anima tāpwēwin?

ispi māka oma kā itwēt, mina ki wayawistawēw cowa, ēkosi ki itēw, namawiya kēkway ni miskamwān kita maci atāmimiht. 39māka kit ayānāwāw isihcikēwin, kita pakitinamākawiyēk pēyak mayāskotāto wihkohtowinihk, ki natawēyitēnāwāw ci māka kita pakitinamātakok o kihci okimāmiwāwa cowak? 40ki tēpwēwak māka mina ē itwēcik, namawiya awa nāpēw, māka pārāpas. omaskatwēw māka awa pārāpas.

Currently Selected:

sēnt cān 18: KKMR

Highlight

Copy