sēnt cān 19

1pailat māka ki otinēw cisasa mina ki papasastēwēw. 2simākanisak māka ki apikātamwak kihci okimāwastotin kāwiminakasiya ohci, ē ki postastotinaācik māka, mina ki postasākaēwak mikwēkinwēsākay: 3ēkosi ki pē nātēwak, ē itwēcik, hēl, o kihci okimāmiwāwa cowak? ēkosi ki pakamawēwak o cihciwāwa ohci. 4pailat māka mina ki wayawiw, ēkosi itēw, cist, ki pētamātināwāw, kita kiskēyitamēk ēkā kēkway ē miskamān kita ohci oyasowātiht. 5ēkosi cisas ki pē wayawiw, ē kikiskahk anima masāni kihci okimāwastotin mina mikwēkinwēsākay. pailat māka ki itēw, cist, ēwakwāna nāpēw! 6ispi māka kihci ayamihēwiyiniwak mina otiniwēwak wiyāpamācik, ki tēpwēwak, ē itwēcik, cistahāskwās, cistahāskwās, pailat itēw, otinihk kiyawāw, mina cistahāskwātihk; cikēmā niya wiya namawiya ni miskamwān kēkway kita ohci oyasowātiht. 7cowak ki naskwēwasimēwak, nit ayānān oyasowēwin, ēkosi kita nipit itastēw ēwako oyasowēwin, cikēmā kisēmanito okosisa isiyihkātiso.

8ispi māka pailat piyēhtahk oma itwēwin, awasimē ki sēkisiw; 9ēkosi pihtokēw mina oyasowēwikamikohk, mina itēw cisasa, tānitē wēciyan? māka namawiya naskwēwasimik cisasa. 10pailat māka itēw, nama ci ki naskwēwasiin? nama ci ki kiskēyitēn ē kaskitāyān kita pakitinitān, mina ē kaskitāyān kita cistaāskwatitān? 11cisas ki naskwēwasimēw, namawiya ki ka kaskitān nāntaw kita itotawiyan kispin ēkā miyikawiyan ispimihk ohci: ēwako māka ohci ana kā pakitinit kiya isi ayiwāk ayāw macihtiwin. 12ēwakwēyiw māka ohci pailat ki natonam kita pakitināt: māka cowak ki tēpwēwak, ē itwēcik, kispin pakitinaci awa nāpēw, namawiya ki tipitotawāw sisār: kahkiyaw awiyak kā kihci okimākātisot māyi kiswātēw sisara.

13ispi māka pailat piyēhtahk ohi itwēwina, ki pē wayawitaēw cisasa, ēkosi ki nahapiw oyasowēwapiwinihk ita asiniwi anāskān kā isiyihkātēk, māka hiparoihk, kāpata. 14mēkwāc māka ē wawēyikatamihk mayāskotāto wihkohtowin nāntaw nikotwāsik tipaikan otihcipayiw. omisi māka itēw cowa, cist, ki kihci okimāmiwāw! 15ki tēpwēwak māka, sipwētāy, sipwētāy, cistahāskwās. pailat itēw, ni ka cistahāskwātāw ci ki kihci okimāmiwāw? kihci ayamihēwiyiniwāk ki naskwēwasiiwēwak, namawiya awiyak kihci okimāw nit ayāwānān piko sisar. 16ēkwa māka ki pakitinamawē kita cistahāskwātimiht.

ki otinēwak māka cisasa: 17ēkosi ki wayawiw, ē onikātamāsot pimitāskoikan, ita anima wēstikwānikaniwahk kā isiyihkātēk, hiparoihk kā isiyihkātēk kālkāta: 18ēkota ki cistahāskwātēwak, mina asici niso kotaka, āyitaw pēyak, cisas māka tastawic.

19pailat māka ki masinaham itakicikāsowin, ēkosi ki astāw pimitāskoikanihk. ēkota māka ki masinaikātēw, cisas nāsaritihk wēhcit, cowak o kihci okimāmiwāwa. 20oma māka itakicikāsowin ki ayamitāwak mihcēt cowak: cikēmā ita cisas kā cistahāskwātiht kisiwāk otēnāhk ki ayāw: ēkosi ki masinaikātēw hiparoihk, mina lātinihk, mina karikihk. 21o kihci ayamihēwiyinimiwāwa māka cowak ki itēwak pailata, ēkāwiya itasinaa cowak o kihci okimāmiwāwa; māka ē ki itwēt, niya ēwako cowak o kihci okimāmiwāwa. 22pailat ki naskwēwasimēw, anima kā ki masinahamān ni ki masinaēn.

23simākanisak māka ispi kā cistahāskwātācik cisasa, ki otinamwēwak o kikiskācikanayiwa, ēkosi ki nēotāwak, pāpaki kita ayācik ē ihtasicik; asici oskotākāyiw: miskotākay māka namawiya ki pimikwātēw, ē apikātik misiwē misakāmē. 24#nikamona 22:18ki ititowak māka, ēkāwiya yāyikipitatāk, māka astwātotāk, awēna kē āyāt: kita tipipayik kihci masinahikēwin kā itwēmakahk, ki nanāniscitwātowak ni kikiskācikana, mina niskotākay ki astwātowak. ohi māka tāpwē simākanisak ki itotamwak.

25ēkota māka o pimitāskoikanihk cisas ki nipawiyiwa okāwiya, mina okāwiya ociwāmiskwēmiyiwa, mēri kalopās wiwa, mina mēri māktalin. 26ispi māka cisas wiyāpamāt okāwiya, mina kiskinohamawākana kā sākihāt, ēkota ē nipawiyit, itēw okāwiya, iskwēw, cist, kikosis! 27ēkwa itēw anihi kiskinohamawākana, cist, kikāwi! ēkospi māka ohci ana kiskinohamawākan ki itotaēw wiya wikihk.

28 # nikamona 69:21; 22:15 mwēstas oma cisas, ē kiskēyitahk kahkiyaw kēkwaya ēkwa ē kisicikatēyiki, kihci masinahikēwin kita tipipayik, omisi itwēw, ni notēyāpākwān. 29ēkota māka ki astēw asiwacikan ē sākaskinēk siwikāpo: ēkosi pākokwēon ē moskinēyik siwikāpo ki astāwak āniskawaskohk, mina ki itisinamwak otoniyihk. 30ispi māka cisas kā miyiht anima siwikāpo, ki itwēw, ēkwa kisicikātēw: ki nāmiskwēyiw māka, mina ki pakitinēw ot ahcāhkwa.

31cowak māka, cikēmā ēkwa wawēyiwin, ēkā miyawa kita akotēyiki pimitāskoikanihk ē ayamihēkisikāk (cikēmā ēwako ayamihēkisikāw ki kihci kisikāw) ki kakwēcimēwak pailata kita kaskikātēomiht, ēkosi māka kita sipwētaimiht. 32simākanisak māka ki pē itotiwak, ē ki kaskikātēwācik māka anihi nistam, mina anihi kotaka kā ki asici cistahāskwātimiht: 33māka ispi wētitācik cisasa, mina wiyāpahtakik sāsay ē nipiyit, namawiya kaskikātēwēwak: 34māka pēyak aniki simākanisak ki takomēw opimēyaw takacikan ohci, sēmāk māka ēkota ki ohciciwan nipi asici mihko. 35ana māka kā ki wāpahtahk ki ātotam, mina tāpwēmakaniyiw ot ācimowin, kiskēyitam māka ē tāpwēt, kiyawāw mina kita tāpwētamēk. 36#ēksatas 12:46; nampars 9:12; nikamona 34:20cikēmā ohi ki ayikinwa, kihci masinahikēwin kita tipipayik, namawac pēyak oskan kita pikonamwān. 37#sēkarāya 12:10; kiskēyihtākohkēwin 1:7mina māka kotak kihci masinahikēwin itwēmakan kita kanawāpamēwak anihi kā ki takamācik.

38mwēstas iyikohk māka oma, cosip ārimātiya ohci, wiya mina cisas o kiskinohamawākana, māka kimoc ē kostāt cowa, ki kakwēcimēw pailata kita otinamwāt wiyawiyiw cisasa: ki pakitinamāk māka pailata. ēkosi ki pē itohtēw, ē ki sipwētatāwāt wiyawiyiw. 39#cān 3:1,2ki pē itohtēw wista nikotimas, ana nistam kā ki pē nātāt nipātipisk, ē pētāt ē kiyikawinikātiyik mar mina ālos, nāntaw mitātahtomitanaw tahto kosikwan. 40ēkosi ki otinamwēwak wiyawiyiw cisasa, ē ki wēwēkinakik wāpiskēkinohk asici anihi wikimākoowina, ē isihcikēcik māna cowak ē nainiwēcik. 41ita māka kā ki cistahāskwātit ki ayāw kistikān; ēkota māka kistikānihk ki ayāw oski nahinitowikamik ēkā wikāc cēskwa ayisiyiniw ēkota ē pimisimiht. 42ēkota māka cowak o wawēyiwiniwāw ohci (cikēmā anima nahinitowikamik kisiwāk ki ayāw) ki pimisimēwak cisasa.

Currently Selected:

sēnt cān 19: KKMR

Highlight

Copy