sēnt cān 17

1ēwakoni ohi ki itwēw cisas; ēkosi ē ispākē itāpit kihci kisikohk isi, ki itwēw, nohtā, otihcipayiw tipaikan; kistēyitāko kikosis, wista kikosis kita kistēyitākoisk: 2kā ki isi miyat kita tipēyimāt kahkiyaw kā owiyāsiyit, piko awiya kā ki miyat, ēwakoni kita miyāt kākikē pimātisiwin. 3ēwakoma māka kākikē pimātisiwin, kita kiskēyimiskik kiya piko tāpwē kisēmanito mina anihi kā ki pē isitisawāt, cisas Christ oti. 4ki ki kistēyitākoitin ota askihk, ē ki kisitāyān atoskēwin kā ki miyiyan kita itotamān. 5ēkwa māka, ā nohtā, kistēyitākoin kiki kiya anima ohci kistēyitākosiwin kā ki wici ayāmitān ē mwayē ayāk oma aski. 6ni ki nokotowāwak ki wiyowin ayisiyiniwak kā ki miyiyan askihk ohci: kiya ki ki tipēyimāwak ki ki miyin māka; ēkosi ki kanawēyitamwak kit itwēwin. 7ēkwa māka kiskēyitamwak kahkiyaw kēkway kā ki miyiyan kiya ē pē ohcipayiki: 8cikēmā itwēwina kā ki miyiyan ni ki miyāwak; ki otinamwat māka, mina ki kiskēyitamwak kēcinā kiya ē ki pē ohciyān, mina ki tāpwētamwak ē ki pē isitisahoyan. 9nit ayamihēstamawāwak ēwakonik: namawiya oma aski nit ayamihēstamawātin, māka piko kā ki miyiyan; cikēmā kiya ki tipēyimāwak. 10mina kahkiyaw kēkwaya kā ayāyān kiya kit ayān, mina kiya kā ayāyan niya nit ayān: ni kistēyitākoikon māka ēwakoni. 11ēkwa māka namawiya ayiwak kinwēs askihk nit ayān, māka oki wiya askihk ayāwak, ēkosi ki pē nātitin. kanāci otāwimāw, kanawēyimik kiya ki wiyowinihk aniki kā ki miyiyan, kita pēyakocik māka, tāpiskoc kā isi ayāyahk. 12#nikamona 41:9; cān 13:18mēkwāc ē wicēwakik, ni ki kanawēyimāwak ki wiyowinihk kā ki miyiyan; namawiya māka awiyak nisiwanātisiw, piko onisiwanacio awāsis; kihci masinahikēwin kita tipipayik. 13ēkwa māka ki pē nātitin; ni wihtēn māka ohi askihk, wiyawāw kita tipipayitwācik ni miyawātamowin. 14ni ki miyāwak kit itwēwin; ēkosi ki pakwātikwak oma aski, cikēmā namawiya askihk tipēyitākosiwak, tāpiskoc kā isi ēkā tipēyitākosiyān ota askihk. 15namawiya nit isi natotēn kita otinacik askihk ohci, māka kita kanawēyimacik macāya ohci. 16namawiya ota askihk tipēyitākosiwak, tāpiskoc kā isi ēkā tipēyitākosiyān ota askihk. 17kanāciik tāpwēwinihk: kit itwēwin ēwako tāpwēwin. 18tāpiskoc kā ki isi pē isitisahoyan ota askihk, ēkosi isi nista nit isitisawāwak askihk. 19wiyawāw māka ohci ni kanāciison, wiyawāw mina kita kanāciihcik tāpwēwinihk. 20namawiya mina oki piko nit ayamihēstamawāwak, māka anihi mina kā tāpwētamiyit ot itwēwiniwāw ohci; 21kahkiyaw māka kita pēyakocik; tāpiskoc kiya otāwimāw, kā isi kikiskawiyan, mina niya ē kikiskātān, mina wiyawāw kita kikiskākoyakok: ēkosi aski kita tāpwēyēyitamomakahk ē ki pē isitisahoyan. 22anima māka kistēyitākosiwin kā ki miyiyan ni ki miyāwak; ēkosi māka kita pēyakocik, kā isi pēyakoyahk; 23niya ē kikiskawakik, kiya mina ē kikiskawiyan, kita mitoni ayācik pēyakowinihk; aski kita kiskēyitamomakahk ē ki pē isitisahoyan, mina ē sākihakik, tāpiskoc kā isi sākihiyan. 24nohtā, aniki kā ki miyiyan, nit itēyitēn, ita ē ayāyān, ēkota wistawāw kita wici ayāmicik; kita wāpahtahkik ni kistēyitākosiwin, kā ki miyiyan; cikēmā ki ki sākihin ē mwayē oyastāhk oma aski. 25ā otāwimāw kwayask ētātisiyan, namawiya koh kiskēyimikon oma aski, māka niya ki ki kiskēyimitin; mina oki kiskēyitamwak ē ki pē isitisahoyan, 26ni ki kiskēyitamoāwak māka ki wiyowin, mina māka ni ka kiskēyitamoāwak; anima sākihiwēwin kā ki isi sākihiyan kita kikiskākocik, mina niya ē kikiskawakik.

Currently Selected:

sēnt cān 17: KKMR

Highlight

Copy