sēnt cān 16

1ēwakoni ohi ki ki ayititināwāw ēkā kita pisokēsinoikawiyēk. 2ki ka wayawiwēpinikowāwak ayamihēwikamikohk ohci: ēhē, kita otihcipayiw iyikohk, awiyak nipaikoyēko kisēmanito nit atoskawāw kita itēyitam. 3ohi māka kita itotamwak, cikēmā ēkā ē kiskēyimācik wēyotāwihk mina niya. 4māka ohi ki ki wihtamātināwāw, ispi otihcipayikwāwi, kita kiskisopayiyēk, kā ki isi wihtamatakok. 5māka ēkwa ni nātāw ana kā ki pē isitisahot; namawiya māka kiyawāw ki kakwēcimināwāw tānitē ētohtēyan? 6māka ohi ē ki ayititakok, miciyawēsiwin ki moskinēw ki tēiwāhk. 7ēyiwēhk māka ni tāpwān kā isi wihtamatakok; naipayiw kiyawāw ohci kita sipwētēyān: cikēmā kispin ēkā sipwētēyāni, omiyotēēiwēw namawiya ki ka otihtikowāw; māka kispin sipwētēyāni, ki ka pē isitisaamātināwāw. 8wiya māka, ispi takosiki, kita mosisēwēamawēw askihk kā ayāyit mācitiwin, mina kwayaskitātisiwin, mina oyasowēwin: 9macitiwin, cikēmā ēkā ē tāpwētawicik; 10kwayaskitātisiwin, cikēmā ē nātak notāwi, ēkosi ēkā kita wapamiyēk; 11oyasowēwin, cikēmā kā okimākatahk oma aski ki oyasowātāw.

12kēyāpic mihcēt kēkway nit ayān kita ititakok, māka namawiya anohc ki ka ki nayatēnāwāw. 13māka wiya ispi ana, tāpwēwini ahcāhk takosiki, ki ka kiskinotaikowāw misiwē tāpwēwinihk isi: cikēmā namawiya kēhciwāk wiya kita ohci pikiskwēw; māka piko kēkway kē isi pēhtahk, ēwakwani kē wihtahk: mina ki ka wāpatiyikowāw niyāk kē ayikihk. 14ni ka kistēyitākoik: cikēmā kita otinam kā ayāyān ohci, ēkosi ki ka wāpatiyikowāw. 15kahkiyaw kēkway wēyotāwihk kā ayāt niya nit ayān: ēwako ohci kā itwēyān, kita otinam kā ayāyān ohci, mina ki ka wihtamākowāw. 16aciyaw piko, ēkwa namawiya ki ka wāpamināwāw: aciyaw māka mina, ēkwa ki ka wāpamināwāw.

17ātiht māka o kiskinohamawākana ki ayititoyiwa, kēkway oma kā ayitikoyahk, aciyaw piko, ēkosi namawiya ki ka wāpamināwāw; mina māka aciyaw piko ēkosi ki ka wāpamināwāw: mina, cikēmā ē nātak wēyotāwihk? 18ki itwēwak māka, kēkway oma kā itwēt, aciyaw piko? namawiya ki kiskēyitēnānaw kēkway kā itwēt? 19cisas wāpahtam ē notē kakwēcimikot, ēkosi ki itēw, ki kakwēcitonāwāw ci oma ohci kā itwēyān, aciyaw piko, ēkosi namawiya ki ka wāpamināwāw, mina māka aciyaw piko, ēkosi ki ka wāpamināwāw? 20tāpwē, tāpwē, kit itināwāw, ki ka mātonāwāw mina ki ka moskwēyitēnāwāw, māka aski kita miyawātamomakan: ki ka kakwātakēyimonāwāw, māka ki kakwātakēyimowiniwāw kita kwēskinikātēw miyawātamowinihk isi. 21iskwēw wā wāpamāwasoci ayāw kakwātakēyimowin cikēmā pē otihcipayiyik iyikohk: māka ispi kā nihtāwikihāwasoci namawiya kiskisitotam wisakapinēwin ēspici miywēyitahk ē nihtāwikiāt ayisiyiniwa ota askihk. 22kiyawāw māka anohc mēkwāc kit ayānāwāw kakwātakēyimowin: māka mina ki ka wāpamitināwāw, ēkosi ki tēiwāw kita miyawātamomakan mina ki miyawātamowiniwāw namawiya awiyak ayisiyiniw ki ka maskamikowāw. 23ēkospi kisikāki nama kēkway ki ka kakwēcimināwāw. tāpwē, tāpwē, kit itināwāw, piko kēkway kē kakwēcimāwēkwē wēyotāwihk ki ka miyikowāw ni wiyowinihk. 24anohc isko nama kēkway kit ohci natotēnāwāw ni wiyowinihk: natotamāk ēkosi ki ka ayānāwāw, ki miyawātamowiniwāw kita tipipayik.

25ohi ki ki wawitamātināwāw aspaākēmowinihk: māka pāpayiw iyikohk, ispi ēkā aspaākēmowinihk kē kitotitakok, māka ki ka payatē ācimostātināwāw wēyotāwihk. 26ēkospi kisikāki ki ka natotēstamāsonāwāw ni wiyowinihk: namawiya māka kit itināwāw, kita ayamihēstawak wēyotāwihk kiyawāw ohci; 27cikēmā wēyotāwihk wiya ki sākihikowāw, ē ki sākihiyēk kiyawāw, mina ē ki tāpwētamēk wēyotāwihk ē ki pē ohciyān. 28wēyotāwihk ni ki pē ohcin. ēkosi ota askihk ni ki pē itohtān: mina ni nakatēn oma aski, ē nātak wēyotāwihk. 29o kiskinohamawākana ki itik, cist, ēkwa, mosis ki wihtēn, mina nama kēkway kit aspaākēmon. 30ēkwa ni kiskēyitēnān kahkiyaw kēkway ē kiskēyitaman, mina ēkā ē natawēyitaman awiyak ayisiyiniw kita kakwēcimisk: oma ohci ni tāpwētēnān kisēmanitohk ē ki pē ohciyan. 31cisas ki naskwēwasimēw, ēkwa ci ki tāpwētēnāwāw? 32cist, pāpayiw tipaikan, ēhē, sāsay isa piko, ita kē siswēskāyēk kahkiyaw ayisiyiniw itē ē isi wiciiwēt, ēkosi kita pēyako nakasiyēk: māka ātawiya namawiya ni pēyakon, cikēmā wēyotāwihk ni wicēwik. 33ēwakoni ohi ki ki ayititināwāw, niya ohci kita ayāyēk pēyatakēyimowin. ota askihk wiya ki ka ayānāwāw āyimisiwin: māka miywēyitamok; ni ki sākocitān aski.

Currently Selected:

sēnt cān 16: KKMR

Highlight

Copy