sēnt cān 15

1niya ēwako tāpwē sominatik, māka notāwi ēwako kistikēwiyiniwiw. 2tahto ē paskētihkwanakisiyān ēkā kā minisiwahk otinam; tahto māka kā minisiwahk, pēkitaw, awasimē kita minisiwaniyik. 3ēkwa ki pēkisināwāw itwēwin ohci kā ki ayititakok. 4kikiskawik niya ēkosi niya ki ka kikiskātināwāw. mwēhci ēkā kē ki isi minisiwahk ē paskētihkwanakisit sominātik, kispin ēkā sakamoayāki sominātikohk, ēkosi mina kiyawāw namawiya ki ka minisiwināwāw, kispin ēkā kikiskawiyēko. 5niya sominātik, kiyawāw māka ē paskētihkwanakisiyān. ana isa kā kikiskawit, mina niya kā kikiskawak, ēwako mistahi minisiwiw: cikēmā ēkā wicēwiyēko nama kēkway ki ka ki totēnāwāw. 6kispin ēkā ayisiyiniw kikiskawici, kita wēpināw tāpiskoc watihkwan kā isi wēpinikatēk, ēkosi ē pāstēk; ēkosi ayisiyiniwak māwasakonamwak, mina macostēwēpinamwak, ēkosi kisitēwa. 7kispin kikiskawiyēko, mina nit itwēwina kikiskākoyēko, piko kēkway kē natotamawēkwē, ēkosi kē totamakawiyēk. 8ēkota māka oma kēstēyitakoiht notāwi mistahi kita minisiwiyēk; ēkosi māka ki ka okiskinohamawākanimitināwāw. 9kā isi sākihit wēyotāwihk, ēkosi nista kā ki isi sākihitakok: ayāk māka tahki ni sākihiwēwinihk. 10kispin kanawēyitamēko noyasowēwina, ki ka ayānāwāw ni sākihiwēwinihk; mwēhci kā isi kanawēyitamwak notāwi oyasowēwina, mina ē ayāwak o sākihiwēwinihk.

11ēwakoni ohi kā ayititakok, ni māmatākosiwin kita kikiskākoyēk, ēkosi ki mamahtākosiwiniwāw kita kisiomakahk. 12#cān 13:34; 15:17; 1 cān 3:23; 2 cān 1:5ēwako oma noyasowēwin, kita sākihitoyēk, kā ki isi sākihitakok. 13namawiya awiyak ayisiyiniw ayāw awasimē sākihiwēwin iyikohk oma, kita pakitinahk o pimātisiwin ototēma ohci. 14kiyawāw nitotēmak kispin totamēko anima kā isi sikimitakok. 15ēkwa māka namawiya atoskēyākanak kit isiyihkātitināwāw; cikēmā atoskēyākan namawiya kiskēyitam ēsicikēyit ot okimāma: māka niya ni totēmak kit isiyihkātitināwāw; cikēmā kahkiyaw kēkway kā ititawak notāwi ki kiskēyitamoitināwāw. 16namawiya kiyawāw ki ki nawasonināwāw, māka niya ki ki nawasonitināwāw, mina ki ki itakimitināwāw, kita natawi minisiwiyēk, mina ki minisiwiwiniwāw kita ayāk; piko māka kēkway kē natotamawawēkwē wēyotāwihk ni wiyowinihk kita miyikoyēk.

17ēwakoni ohi kit itasowātitināwāw, kita sākihitoyēk. 18kispin aski pakwātikoyēko, ki kiskēyitēnāwāw ē ki pakwātikoyān mwayēs kiyawāw pakwātikoyēk. 19kispin askihk ohci tipēyitākosiyēk, aski kita sākihēw anihi kā tipēyimāt: māka ēkā ē tipēyitākosiyēk askihk, māka ē ki nawasonitakok askihk ohci, ēwako ohci aski kā pakwātikoyēk. 20#mātyo 10:24; lok 6:40; cān 13:16kanokiskisik kā ki ititakok, namawiya awasimē kistēyitākosiw atoskēyākan iyikohk ot okimāma. kispin ni ki kotakihikwak niya, kiyawāw mina ki ka kotakihikowāwak; kispin ki kanawēyitamwak niya nit itwēwin, kiyawāw mina kita kanawēyitamwak. 21māka kahkiyaw ohi ki ka ayitotākowāwak ni wiyowin ohci, cikēmā namawiya kiskēyimēwak kā ki pē isitisahoyit. 22kispin ēkā ki pē itohtēyān mina ki wihtamawakik, namawiya o ka ki ayātāwāw macitiwin: māka ēkwa namawiya ayāwak kwitawi itwēwin o macitiwiniwāw ohci. 23ana niya kā pakwāsit, notāwiya mina pakwātēw. 24kispin ēkā ohci itotamān mēkwāc ita ē ayācik atoskēwina ēkā kotak ē ki itotahk, namawiya o ka ki ayātāwāw macitiwin: māka ēkwa tāpiskoc ni ki wāpamikonānak mina ni ki pakwātikonānak niya mina notawiya. 25#nikamona 35:19; 69:4māka oma ispayiw itwēwin kā masinaikātēyik oyasowēwiniwāhk kita tipipayiyik, pikwanata ni ki pakwātikwak. 26māka ispi ki takosiki omiyotēēiwēw, wēyotāwihk ohci kē pē isitisawak, ana oti tāpwēwini ahcāhk, wēyotāwihk kā ohcit, wiya ni ka ācimik: 27ēkosi kiyawāw mina ki ka ācimināwāw, cikēmā micimāc ohci ki ki pē wicēwināwāw.

Currently Selected:

sēnt cān 15: KKMR

Highlight

Copy