sēnt cān 13

1mwayēs māka ē otihcipayik mayāskotāto wihkohtowin, cisas ē kiskēyitahk sāsay ē otihcipayiyik o tipaikan ita kita nakatahk oma aski, kita nātāt wēyotāwihk, ē ki sākihāt kā ayāwāt ota askihk kā ayayit, ki sākihēw piyis ē poni wicēwat. 2mēkwāc māka ē tipiski micisocik, sāsay ē ki astat macāya o tēiyihk cotas iskariyata, saiman okosisa, kita misimāyit; 3cisas ē kiskēyitahk kahkiyaw kēkway ē ki miyikot ocicihk wēyotāwihk, mina kisēmanitohk ē ki pē ohcit, mina ē nātāt kisēmanitowa; 4tipiski micisowinihk ki ohci pasiko, ē ki kētasākēt, ēkosi ki otinam kasikwaniyiw, ē ki pakwatēhototahk. 5ēkwa māka ki sikinam nipiyiw oyākanihk, ēkosi ē ki kisipēkinamwāt ositiyiwa o kiskinohamawākana, mina ē ki kasisitēwat kāsikwaniyiw ohci kā ki pakwatēhototahk. 6ēkosi ki pē nātēw saiman pitarwa. pitar māka ki itēw, tēpēyihcikēyan, ki ka kisipēkisitēnin ci niya? 7cisas ki naskwēwasimēw, omisi ē ki itat, anima kā totamān anohc namawiya ki kiskēyitēn: māka pātimā ki ka kiskēyitēn. 8pitar omisi itēw, namawikāc niyā ki ka kisipēkisitēnin. cisas ki naskwēwasimēw, kispin ēkā kisipēkinitani, namawiya nāntaw ita kowicēwākanimin. 9saiman pitar omisi itēw, tēpēyihcikēyan, namawiya piko nisita, māka mina niciciya, mina nistikwan. 10cisas omisi itēw, ana kā ki kisipēkit namawiya natawēyitam kita kisipēkit piko osita, māka misiwē pēkisiw: ēkosi ki pēkisināwāw māka namawiya kahkiyaw. 11cikēmā ki kiskēyimēw anihi kē misimikot; ēwako māka kā ohci itwēt, namawiya kahkiyaw ki pēkisināwāw.

12 # lok 22:27 kā poni kisipēkisitēnat māka, mina kā otinahk oskotākay, mina kā nahapit, omisi ki itēw, ki kiskēyitēnāwāw ci oma kā ki ayitotātakok? 13okiskinohamākēw mina tēpēyihcikēt kit isiyihkāsināwāw: kwayask māka kit itwānāwāw; cikēmā okotowi niya. 14kispin māka niya kā tipēyihcikēt mina okiskinohamākēw ē ki kisipēkisitēnitakok; kistawāw ki ka kisipēkisitēnitotawāw. 15cikēmā ki ki miyitināwāw kē kiskinawāpahtamēk, kita ayitotātoyēk kā ki ayitotātakok, 16#mātyo 10:24; lok 6:40; cān 15:20tāpwē, tāpwē, kit itināwāw, atoskēyākan namawiya awasimē itēyitākosiw ispic ot okimāma; mina kā pē isitisahoht ispic kā pē isitisahokot. 17kispin kiskēyitamēko ohi, ki sawēyitākosināwāw kispin itotāmēko. 18#nikamona 41:9namawiya kahkiyaw kit itināwāw; ni kiskēyimawak aniki kā ki wawēyēyimakik: māka kita tipipayik masinahikēwin, kā wici micisomit pakwēsikana ni ki opinamāk otohtan. 19anohc ohci, ki wihtamātināwāw mwayēs otihcipayik, ispi otihcipayiki, kita tāpwētamēk niya ē ayāwiyān. 20#mātyo 10:40; mārk 9:37; lok 9:48; 10:16tāpwē, tāpwē, kit itināwāw, ana wētināt awiya kā isitisahomak niya nōtinik; mina ana wētinit otinēw kā pē isitisahoyit.

21ispi māka cisas oma kā itwēt, ki mikoskātēyitam ot acahkohk, ēkosi ki wihtam, omisi ē itwēt, tāpwē, tāpwē, kit itināwāw, pēyak oma ka itasiyēk ni ka wayēsi pakitinik. 22kiskinohamawākanak māka ki kakanawapatowak, ē wawanēyitahkik awēyiwa kā itāyit. 23ki asosimoyiwa māka cisas waskikanihk pēyak o kiskinohamawākana, cisas kā sākihāt. 24saiman pitar māka ki itinikēstawēw, kita kakwēcimāyit awēyiwa kā itayit. 25ana māka kā asosimot cisasa waskikaniyihk omisi itēw, tēpēyihcikēyan. awēnāna? 26cisas ki naskwēwasimēw, ēwako ana kē miyak aspacikaniyiw ki kitānamwaki. ispi māka kā kitanahk aspacikaniyiw, ki miyēw cotas iskāriyata, saiman okosisa. 27kā poni micit aspacikaniyiw ki piciyawēskak sētana. cisas māka omisi ki itēw, kā wi itotaman, kiyipi itota. 28nama māka awiya kā witapimikot micisowinatikohk kiskēyitamiyiwa kēkway kā ohci itāt. 29atiht māka omisi ki itēyitamwak, cikēmā cotas ē ayāt miwayiw, cisas ē ki itat atawē kē apacitayahk wihkohtowinihk; ahpo, kēkway kita miyāt okitimākisiwa. 30wiya māka ispi kā otinahk aspacikaniyiw, ēkosi sēmāk ki ati wayawiw: sāsay māka ē tipiskāk.

31ispi māka kā ati wayawiyit, cisas ki itwēw, ēkwa isa iyiniwikosisān kistēyitākoāw, mina kisēmanito kistēyitākoāw wiya ohci; 32ēkosi kisēmanito kita kistēyitākoēw kiki wiya mina sēmāk kita kistēyitākoēw. 33#cān 7:34apistawāsisitik, kēyāpic aciyaw ki wicēwitināwāw. ki ka nanātonawināwāw; mwēhci kā ki itakik cowak, itē ētotēyān, namawiya ki ka ki pē itohtānāwāw; ēkosi mina anohc kiyawāw ētitakok. 34#cān 15:12,17; 1 cān 3:23; 2 cān 1:5oski oyasowēwin ki miyitināwāw; kita sākihitoyēk; kā ki isi sākihitakok, ēkosi mina kiyawāw kita isi sākihitoyēk. 35ēwako māka kahkiyaw ayisiyiniwak kē ohci kiskēyimitēkok ē okiskinohamawākanimitakok, kispin sākihitoyēko.

36saiman pitar omisi itēw, tēpēyihcikēyan, tanitē ētohtēyan? cisas māka naskwēwasimēw, itē ētotēyān, namawiya anohc ki ka ki pimitisahon; māka ki ka pimitisahon pātimā. 37pitar omisi itēw, tēpēyihcikēyan, tānēki ēkā kē ki pimitisahotān anohc? ni ka pakitinēn ni pimātisiwin kiya ohci. 38cisas māka naskwēwasimēw, ki ka pakitinēn ci ki pimātisiwin niya ohci? tāpwē, tāpwē, kit itin, pakaakwān namawiya kita pēhtākosiw, iyikohk nistwāw kē anwētawiyan.

Currently Selected:

sēnt cān 13: KKMR

Highlight

Copy