sēnt cān 12

1ēkosi cisas nikotwāso kisikāw mwayēs ē otihcipayik mayāskotāto wihkohtowin ki pē itohtēw pēhtaniihk, ita ē ayāyit lāsarasa kā ki nipiyit, anihi kā ki waniskānāt. 2ēkota māka ki ositamawēwak tipiskinēkwēwin; mārta māka ki pamihiwēw: lāsaras māka ēwako pēyak kā witapimāt ē micisocik. 3#lok 7:37,38mēri māka ki otinam pēyakosikwan tamaskowin spaiknārt, naspic ē ākwakitēyik, ē ki tomisitēnā māka cisasa, mina ē ki kāsisitēwāt wēstakāya ohci; ki tēpimākwan māka tamaskowin wāskāhikanihk. 4omisi māka itwēyiwa pēyak o kiskinohamawākana, cotas iskāriyat, sāiman okosisa, aniih kē misimikot. 5tānēki ēkā oma tamaskowin kā ki atawakaniwahk, kita ki miyitwapan māka kētimākisicik? 6ēwako oma ki itwēw, namawiya ē mitonēyimāt kētimākisiyit; māka ē kimotiskit, mina ē ayāt miwatiyiw, otinam māka ēkota kā asiwatāwiht. 7omisi māka cisas ki itēw, ēkā totāhk: anima ē kisikāk ita kē nainikawiyān oma ohci itotam. 8#tiyotaranami 15:11kākikē ki wiciayāmikowawak kētimakisicik; māka niya namawiya kākikē kit ayāwināwāw.

9waniyaw māka ayisiyiniwak aniki cowak ki kiskēyitamwak ita ē ayāyit: ki pē itohtēwak mina namawiya piko cisasa ohci, māka kita wāpamācik lāsarasa asici, kā ki waniskānāyit nipowinihk ohci. 10māka kihci ayamihēwiyiniwak ki itasowēwak lāsarasa asici kita nipahācik: 11cikēmā wiya ohci mihcēt cowak ki sipwētēwak, mina ki tāpwēyēyimēwak cisasa.

12kā ati wāpahk mihcēt ayisiyiniwak kā ki pē itohtēcik wihkohtowinihk, ispi kā pēhtahkik cisasa ē pē itohtēyit cērosalamihk, 13#nikamona 118:25,26ki otinamwak nipiya pam mistikohk ohci, ē ki sipwētēcik, ē ki natawi nakiskawācik, ē isi tēpwēcik, osāna! sawēyitākosiw isrēil o kihci okimāma kā pē itohtēt kā tipēyihcikēt o wiyowinihk. 14cisas māka, ispi kā miskawāt sosowi mistatimosisa, ki tētapiw; kā itasinaikatēk, 15#sēkarāya 9:9ēkāwiya astāsi, kiya otānisa sāyan; wāpam, ki kihci okimām pē takosin, ē tētapit sosowi mistatimosisa. 16ēwakoni ohi namawiya sēmāk ki nisitohtamiyiwa o kiskinohamawākana; māka ispi cisas kā kistēyitākohiht ēkwa kiskisopayiwak omisi ē itasinaikatēyik, mina omisi ē ki ayitotawacik. 17ayisiyiniwak māka kā wicēwācik ispi kā natomāyit lasarasa nahinitowikamikohk ohci, ē waniskānāyit nipowinihk ohci, ki ācimowak. 18ēwako māka ohci ayisiyiniwak kā pē nakiskawacik, cikēmā ē ki pēhtahkik ē ki totamiyit oma mamatawi isihcikēwin. 19parasiyak māka ki ayitwēwak wiyawāw, ki wāpahtēnāwāw ē isi ēkā kēkway sākocitāyēk? cist, kahkiyaw aski pimitisahok.

20atiht, māka ēkota karik ayisiyiniwak ki ayāwak, ē ki pē itohtēcik kita ayamiacik ē wihkohtohk. 21ēwakonik ki pē nātēwak pilipa, pētsēta kalalihk kā ohcit, ki natawēyimēwak māka ē itwēcik, okimāw, ni wi wāpamānān cisas. 22pilip pē itohtēw ē wihtamawat antarowa; ēkosi māka antaro mina pilip wihtamawēwak cisasa.

23cisas māka ki naskwēwasimēw, omisi ē itāt, sāsay isa otihcipayiw tipaikan iyiniwikosisān kita kistēyitākohiht. 24tāpwē, tāpwē, kit itināwāw, kispin ēkā pēyakomin pakwēsikanikan pahkisihk askihk mina nipomakaki pēyako ayāw; māka kispin nipomakaki mistahi nihtāwikicikēmakan. 25#mātyo 10:39; 16:25; mārk 8:35; lok 9:24; 17:33ana kā sākihtāt o pimātisiwin kita wanitaw; ana māka kā pakwātahk o pimātisiwin ota askihk, kita kanawēyitam kākikē pimātisiwinihk isi. 26kispin awiyak ayisiyiniw atoskēstawici, kiyām ni ka pimitisahok; itē māka ē ayāyān, ēkotē wista kē ayāt nit atoskēyākan; kispin awiyak ayisiyiniw atoskēstawici, ēwakwani notāwi kē kistēyimāt. 27anohc māka nit ahcahk mikoskātēyitam; tānisi māka kē itwēyān? nōhtā paspiin oma kā ispayik tipaikan, māka ēwako kā pē ohci itohtēyān oma kā ispayik tipaikan. 28nohtā, kistēyitākotā ki wiyowin. kihci kisikohk māka ki pē ohcipayiw itwēwin, omisi ē itwēmakahk, sāsay ni ki pē kistēyitākotān, mina māka ni ka kistēyitākotān. 29ayisiyiniwak māka ēkota kā nipawicik, ē pēhtahkik, omisi ki itwēwak, piyēsiwak kitowak: kotakak ki itwēwak, okisikowa ē kitotikot. 30cisas māka ki naskwēwasimēw, omisi ē ki itwēt. oma itwēwin namawiya niya ohci pāpayiw, māka kiyawāw ohci. 31ēkwa kita oyasowātamihk oma aski: ēkwa kē wayawiwēpiniht kā okimākatahk oma aski. 32niya māka, kispin ota askihk ohci opinikawiyāni, kahkiyaw ayisiyiniwak ni ka otāpēkinamāson. 33oma māka ki itwēw ē kiskinawāci wihtahk kē isi nipit. 34#nikamona 110:4; aysāya 9:7; isikiēl 37:25; tāniēl 7:14ayisiyiniwak māka ki naskwēwasimēwak, ni ki pētēnān oyasowēwinihk ohci Christ kakikē ē itāt; tānēki māka kiya wēci itwēyan, iyiniwikosisān kita opināw? awēnana iyiniwikosisān? 35cisas māka ki itēw, kēyāpic aciyaw wāstēw ki wici ayāmikonāwāw. pimohtēk mēkwāc ē ayāyēk wāstēw, ēkā wanitipiskāw kita akwaniskākoyēk; cikēmā ana wanitipiskahk kā pimohtēt namawiya kiskēyitam itē ē itohtēt. 36mēkwāc ē ayāyēk wāstēw, tāpwētamok wāstēw, kita ot awāsimisimikoyēk wāstēw. ēwakoni ohi kā ayitwēt cisas, ati sipwētēw, ē ki kāsostawāt.

37māka ata mihcēt mamātawi isihcikēwina ē ki ayitotahk ē wāpamikot, kēyāpic namawiya ki tāpwēwakēyimik: 38#aysāya 53:1kita tipipayiyik ot itwēwin aysāya okiskiwēhikēw, kā ki itwēt,

tēpēyihcikēyan, awēna kā tāpwētahk nit acimowininān? mina awēna kā kiskēyitamoiht kā tipēyihcikēt ospiton?

39ēwako māka ēkā kā ki ohci tāpwētahkik, cikēmā aysāya mina ki itwēw.

40 # aysāya 6:10 ki kakēpwapinēw mina ki maskawitawēw otēiyiwa; ēkā kita wapimakaniyiki oskisikowawa, ahpo ēkā kita nisitohtamomākaniyiki otēhiwāwa, ēkā kita ki kwēskicik, ēkosi kita ki iyinikaakik.

41ēwakoni ohi ki itwēw aysāya, ispi kā ki wāpahtamwāt o kistēyitākosiwiniyiw, ēkosi kā ki ācimāt.

42ēyiwēhk māka ahpo oyasowēwiyiniwak ki tāpwēwakēyimēwak māka parasiya ohci namawiya ki wihtamwak, ēkā kita wayawiwēpinikocik ayamihēwikamikohk ohci. 43cikēmā awasimē ki sākihtāwak o kistēyitākoiwēwiniyiw ayisiyiniwa, ispic o kistēyitākoiwēwiniyiw kisēmanitowa.

44cisas ki tēpwēw, ē itwēt, ana kā tāpwēyēyimit, namawiya niya ni tāpwēyēyimik, māka kā pē isitisahoyit. 45mina ana kā wāpamit wāpamēw kā ki pē isitisahoyit. 46ni pē wāsēskēn oma aski, awiya māka kē tāpwēyēyimikwē, namawiya wanitipiskāhk kita ayāw. 47kispin awiyak ayisiyiniw pēhtahki nit itwēwina, ēkā māka kanawēyihtahki namawiya noyasowataw: cikēmā namawiya ni pē itotan kita oyasowātamān aski, māka kita pimācitāyān aski. 48ana iyatawēyimit, mina ēkā wētinahk nit itwēwina, itayiwa pēyak kā oyasowātikot: itwēwina kā ki itwēyān, ēwakoni kē oyasowātikot iskwayāc kisikāki. 49cikēmā namawiyā niya ohci kā pikiskwēyān; māka wēyotāwihk kā pē isitisahot, wiya ni ki miyik oyasowēwin, kē ayitwēyān, mina kē isi pikiskwēyān. 50ni kiskēyitēn māka oyasowēwin ēwako kākikē pimātisiwin: ēkosi anihi kā pikiskwēyān, wēyotāwihk kā ki isit, ēkosi ēsi pikiskwēyān.

Currently Selected:

sēnt cān 12: KKMR

Highlight

Copy