cēnisis 33

1cēkap māka ki ohpiskwēyiw ē ki itapit, poti māka isā ki pētāstamotēw nēwāw mitāhtomitanaw nāpēwa ē pē wicēwāt, cēkap māka ki miyēw awāsisa anihi liāwa mina rēcila mina anihi niso atoskēyākaniskwēwa. 2atoskēyākaniskwēwa māka mina ot awāsimisiyiwa ki ayēw nikān, mina liāwa asici ot awāsimisiyiwa ati askohc, ēkosi rēcil mina cosip otānāhk. 3ki nikānotawēw māka ēwakoni, ē ki nāmiskwēyit tēpakopwāw mostaskamik isi, piyis kisiwāk ē otihtāt ociwāma. 4isā māka ki ispatāw kita nakiskawāt, ē ki atamiskawāt māka, mina ē ki wēwakikwēnāt, mina ē ki ayocēmāt: ki mātowak māka. 5ki itāpiw māka ē ki wāpamāt iskwēwa mina awāsisa, omisi māka ki itwēw, awēniki oki kā wicēwiskik? ki itwēw māka, ēwakoni ohi awāsisa kisēmanito kā ki miyāt kit atoskēyākana. 6aniki māka atoskēyākaniskwēwak kisiwāk ki pē itohtēwak, wiyawāw mina ot awāsimisiwāwa, ki atamiskawēwak māka. 7wista māka liā asici ot awāsimisa kisiwāk ki pē itohtēwak, ē ki atamiskawācik; ēkwa māka cosip kisiwāk ki pē itohtēw asici rēcil, ki atamiskawēwak māka. 8ki itēw māka, tānisi ētwātacik aniki kā asitisaohcik kā ki nakiskawakik? ki itwēw māka, ēkwānima kita miyo kanawāpamit nit okimām. 9isā māka ki itwēw, ēkoyikohk nit ayān niciwā, kanawēyitamāso anima kā ayāyan. 10cēkap māka ki itwēw, namawiya, ki pakosēyimitin kispin anohc kā miskamowānē kita miyo kanawāpamiyan otina ni mohci mēkiwin ē miyitān; cikēmā ēwako kā ohci wāpamitān tāpiskoc awiyak ē wāpamāt kisēmanitowa mina ē ki miyo kanawāpamiyan. 11otina ki pakosiyimitin ni mēkiwin kā pētamākawiyan; cikēmā kisēmanito ni ki miyototāk, mina ēkoyikohk nit ayān. ki kihkimēw māka ēkosi piyis ki otinamiyia.

12ki itēw māka, kiyām picitāk ēkosi sipwēhtētāk, ki ka nikānotātin māka. 13omisi māka ki itēw, nit okimām kiskēyitam awāsisa ē oskātisiyit, mina māyatihkwak mina awakānak oskāyisa ayāwēwak; kispin māka pēyak kisikāw osām yakitisawātwāwi kahkiyaw awakānak kita nipiwak. 14kiyām nit okimām ki pakosēyimitin, kita nikānotaēw ot atoskēyākana; nisihk māka ni ka pimotānān, kē isi kaskitācik awakānak mina awāsisak kā nikānotawicik, piyis kita otitak nit okimām anita siyar. 15isā māka ki itwēw, kiyām māka ki ka nakatamātēn ātiht nāpēwak kā wicēwakik; ki itwēw, māka, tānisi kē itāpatahk? kiyām ni ka miyo kanawāpamik nit okimām.

16ēkosi māka isā ki kiwēw ēkospi ē kisikāyik siyar isi. 17cēkap māka ki ispiciw anita sakaht, ē ki wāskāhikanikāsot, mina ē ki ākawāstēikanikaāt ot awakāna; ēwako māka ohci sakaht isiyihkātēw ēkota.

18cēkap māka ki takosin ēkota sēlim; sikim otēnāhk, kā ayāk anita kēnan askihk; ispi kā pē ohtohtēt anita pātanērām; ē ki kapēsit māka ciki otēnāhk. 19#cāsyoa 24:32; cān 4:5ki atāwēw māka aski ēkota, ita kā ki oyaskitāt wiki, ocihciyihk ohci hēmar ot awāsimisiyiwa sikim otāwiya, mitāhtomitanaw tahto soniyāwa ē tipaahk. 20ēkota māka ki osihtāw pakitināsowināpisk, ēkosi ēlēlohi isrēil ē ki isiyihkātahk.

Currently Selected:

cēnisis 33: KKMR

Highlight

Copy