cēnisis 32

1cēkap māka ki ati sipwētēw, anihi māka okisikomiyiwa kisēmanitowa ki nakiskāk. 2ispi māka cēkap wiyāpamāt, omisi ki itwēw, ēwakoni ohi kisēmanito ot ihtasima; mēhānēim māka ki isiyihkātam ēkota.

3cēkap māka nikān ki isitisahamaēw otācimowa isāwa ociwāma siyar askihk isi, anita itam ot askihk. 4ki itasoātēw māka omisi ē itāt, ēkosi oma kē itat nit okimām isā, omisi itwēw kit atoskēyākan cēkap, ni ki wiciayāmaw lēpān, mina ēkotē ni ki ayān piyis anohc, 5nit ayāwāwak māka mostoswak, sosomistatimwak, māyatihkwak, nāpēwatoskēyākanak mina iskwēwatoskēyākanak; nit isitisahowān māka kita wihtamāht nit okimām, kita wi miskamān ki miyo kitāpakēwin.

6aniki māka otācimowak kāwi ki pē otihtēwak cēkapa, omisi ē itācik, ni ki otihtānān kiciwām isā, ēkosi māka ki pē natawi nakoskāk, nēwāw mitāhtomitanaw nāpēwa ē pē wicēwāt. 7cēkap māka mistahi ki sēkisiw mina ki mikoskātēyitam, ki niswayakihēw māka ayisiyiniwa kā wicēwikot mina māyatihkwa, mina awakāna, mina piskwāwikana, niswayak kita pimohtēyit. 8omisi ē ki itwēt, kispin isā otihtāci pēyakwayak ēkosi nipahāci, kotakik kā iskoihcik kita paspiwak.

9cēkap māka ki itwēw, kiya o kisēmanitoma notāwi ēprēām, mina o kisēmanitoma notāwi āisak, tēpēyihcikēyan, kā ki isiyan kiwē kit askihk mina natawāpāmik ki wākomākanak, kwayask māka ki ka totātin. 10namawāc ni tēpikaskitamāson kā māwaci apistēyitākwahk kisēwātisiwin, mina kahkiyaw tāpwēwin kā ki isi wāpahtaat kit atoskēyākan; cikēmā nisaskaon piko ē tahkonamān ni ki asowaēn oma cārtan, ēkwa māka niswayak ni pimi mihcētin. 11paspēin ki pakosēyimitin ocihcihk niciwām, ocihcihk ohci isā; cikēmā ni kostāw, nit astāsin kita pē nipait, mina ohi okāwimāwa asici awāsisa. 12#cēnisis 22:17mina ki ki itwān, kēhcinā ki ka miyototātin, mina ni ka isihāwak kit awāsimisak tāpiskoc yēkaw kihcikamihk, ēkā kita ki akimihcik kē ispihci osāmēyaticik.

13ēkota māka ki kapēsiw ēwako ē tipiskāyik; ē ki otināt māka anihi ē pēpimi ayāyit kita miyāt ociwāma isāwa. 14niswāw mitāhtomitanaw onicāni wāpatikwa, nisitanaw yāpē wāpatikwa, niswāw mitāhtomitanaw onicāni māyatihkwa, mina nisitanaw yāpēmāyatikwa. 15nistomitanaw yikinikani piskwāwikana, asici ot awāsimisiyiwa, nēmitanaw onicāni mostoswa, mitātaht takwānāwa, nisitanaw nosē sosomistatimwa, mitātaht sosomistatimosisa. 16ki pakitinēw māka ocihciyihk ot atoskēyākana, pāpakān kita ati askwātoyit, omisi māka ē ki itāt ot atoskēyākana, ati nikānotawik, āyāspis māka kita ati āyaskwātoyēk, 17ki itasowātēw māka kā nikānotēyit, omisi ē itāt, ispi niciwām isā nakiskāski, mina kakwēcimiski omisi itwēci, awēna tēpēyimisk, mina tānitē ētohtēyan? mina awēna ot ayāna ohi kā yakitisaomak? 18omisi ki ka itwān, kit atoskēyākan cēkap ohi ot ayāna; mēkiwin māka ē pē isitisahamāht nit okimām isā; cist māka wista otāhk pē ayāw. 19ēkosi māka kā itasowātāt kā askowāyit, mina anihi ati āaskohc, mina kahkiyaw anihi kā yakitisawāyik, omisi ē ki itāt, ēkosi oma kē itāyēk isā ispi nakiskawayēko. 20mina māka ati itwēkēk, mātika kit atoskēyākan cēkap otāhk pē ayāw. cikēmā ki itwēw, ni ka miyoyawēāw anihi mēkiwina ohci kā nikānotākowak, mwēstas iyikohk māka ēkwa kē wāpamak, māskoc ētokē ni ka miyo kanawāpamik. 21ēkosi kā isi nikānotākot o mēkiwin; wiya māka kapētipisk ki ayāw ita ē ayāyit kā mihcētiyit.

22ki waniskāw māka ēkospi ē tipiskāyik, ē ki oti otināt kā nisiyit wiwa mina kā nisiyit ot atoskēyākaniskwēma, mina mitātaht pēyakosāp kā ihtasiyit okosisa, ēkosi ē ki āsowakāsit anima cāpak āsowakāsiwin. 23ki otinēw māka ē ki asowakāmētisawāt sipisisihk, mina ē ki āsowakāmētisaahk kahkiyaw kēkway kā ayāt.

24 # hāsiya 12:3,4 ki pēyakoskatāw māka cēkap; ēkota māka ki māsiik nāpēwa piyis ē pētāpaniyik. 25ispi māka wiyāpahtamiyit ēkā ē ki sākohikot, ki sāminamiyiwa otokan; cēkap māka ki kotikopayiyiw otokan mēkwāc ē māsiāt. 26ki itik māka, pakitinin kita sipwētēyān, cikēmā sāsay pētāpan. ki itēw māka, namawiya ki ka pakitinitin pātimā piko sawēyimiyani. 27omisi māka ki itik, tānisi ēsiyikāsoyan? ki itwēw māka, cēkap. 28#cēnisis 35:10ēkosi ki itik, namawiya ēkwa cēkap ki ka isiyihkāson, māka isrēil; cikēmā tāpiskoc kihci okimāw kit isi kaskihēwisistawāw kisēmanito mina ayisiyiniwak mina ē ki sākotwāyan. 29#oyasowēwak 13:17,18cēkap māka ki kakwēcimēw omisi ē ki itāt, wihtamawin ki pakosēyimitin ēsiyikāsoyān. ki itik māka, kēkway ohci kā kakwicimiyan ēsiyikāsoyān? ēkota māka ki sawēyimik. 30cēkap māka pināyal ki isiyihkātam ēkota; cikēmā, ki itwēw, mosis okwākanihk ni ki wāpamāw kisēmanito ēkosi ēyiwēhk ē pimātisiyān. 31ē ati nakatahk māka pēnoil ki ati sākāstēskāk pisimwa, ki māskipayiw māka otokanihk. 32ēwako māka ohci isrēil ot awāsimisa namawiya miciwak ocēstatāy kā ocipayik, anita opwamēwakohk, piyis anohc kā kisikāk; cikēmā ki sāminamwēw cēkapa otokaniyiw ē ocēstatāwaniyit kā ocipayiyik.

Currently Selected:

cēnisis 32: KKMR

Highlight

Copy