cēnisis 34

1tāina māka otānisa liā, kā ki nihtāwikitamawāt cēkapa, ki wayawiw kita wāpamāt otānisimāwa ēkota askihk. 2ispi māka sikim okosisa hēmar ana haipait, okimāw ēkota askihk, wiyāpamāt, ki otinēw ē ki wicēwāt māka, mina ē ki nanipēwiāt. 3ot ahcāhkohk māka ohci ki mostawinawēw tāinawa otānisiyiwa cēkapa, ki sākihēw māka anihi oskinikiskwēwa, mina ē ki kākiciāt anihi oskinikiskwēwa. 4sikim māka ki ayamiēw otāwiya hēmara omisi ē itāt, natotamā awa oskinikiskwēw kita wiwiyān. 5cēkap māka ki pētam ē ki nanēpēwihāyit otānisa tāinawa; anihi māka okosisa kanawēyimēyiwa awakāna pikwacāyihk; ēkosi cēkap nama nāntaw ki itwēw pātimā iyikohk ē takosiniyit.

6hēmar māka otāwiya sikim ki nātēw cēkapa, nāntaw ē wi itāt. 7okosisa māka cēkap ki takosiniyiwa pikwacāyihk ohci ispi piyēhtahkik; aniki nāpēwak māka naspic ki mihciyawēsiwak, mina nāspic ki kisiwāsiwak, cikēmā ki maci isihcikēw isrēilihk, ē ki wicēwāt cēkapa otānisiyiwa; anima ē itastēk ēkā kita itocikātēk. 8hēmar māka ki āyamiēw omisi ē ki itāt, akāwātēw nikosis sikim kitānisa; ki pakosēyimitin kita mēkiskwēwamat. 9ēkosi māka itascikēk kita wawikitoyahk; miyinān māka kitānisiwāwak, kistawāw māka otinikok nitānisinānak. 10ki ka witaskiminān māka, mina aski misiwē ki ka tawinamākawināwāw; ot askik mina ayatāwēk, mina o tipēyicikanik ēkota. 11sikim māka omisi ki itēw otāwiyiwa, mina otawēmāyiwa, kiyām ni ka miskēn kita isi miyo kanawāpamiyēk piko kēkway māka kē isiwēkwē ki ka miyitināwāw. 12iyikohk piko kē natawēyitamawiwēkwē mēywāsik mina mēkiwin, ki ka miyitināwāw anima kē isiyēk; piko miyik ana oskinikiskwēw kita wiwiyān. 13okosisa māka cēkap ki naskwēwasimēwak sikima mina hēmara otāwiyiwa, kakayēyisiwinihk ē ki itācik, cikēmā ē ki nanēpēwihāyit tāinawa otawēmāwāwa. 14omisi māka ki itēwak, namawiya ēkosi ni ka ki ihtotēnān kita miyāyāhk nitawēmānāna awiyak ēkā ē sarkamsaisiwit; cikēmā ni ka ānwēyitākosinān ēwako ohci. 15māka piko omisi totamēko ki ka naskomitinān, kispin wi isihcikēyēko kā isihcikēyāhk, kā tahto nāpēwiyēk kita sarkamsaisiwiyēk. 16ki ka miyitinān māka nitānisināna, nistanān māka ni ka otinānānak kitānisiwāwak, ki ka witaskimitinān māka, mina kita pēyakoskānēsiyahk. 17māka kispin ēkā wi natohtawiyāki, kita sarkamsaisiwiyēk: ni ka otinānān nitānisinān, ēkosi ni ka sipwētānān. 18ot itwēwiniyiw māka ki naiskāk hēmar, mina sikim hēmar okosisa. 19ana oskinikiw māka namawiya ki sākwēyimo ēkosi kita totahk, cikēmā ki miywēyimēw cēkapa otānisiyiwa; mina wiya awasimē ki okimāwēyitākosiw iyikohk kahkiyaw otāwiya wikiyihk.

20hēmar māka mina okosisa sikim ki pē itohtēwak iskwatēmihk ot otēnāwāhk ēkosi ē ki ayamihācik ayisiyiniwa anita otēnāhk, omisi ē itācik, 21oki ayisiyiniwak ki miyo wicēkonawak; kiyām māka kita ot askiwak ota askihk, mina ēkota kita tasi atāwēwak; cikēmā mātika, aski ēkoyikohk misāw kita ki ayācik; kiyām otinimātāni otānisiwāwa kita wiwiyahk, mina kiyām miyātānik kitānisinawa. 22oma māka piko ki ka ki isi naskomikonawak kita witaskimikoyakok, kita pēyakoskānēsiyahk, kispin tahto kā nāpēwiyahk sarkamsaisiwiyahk mwēhci kā isi sarkamsaisiwicik. 23nama ci ot awakāniwāwa, mina ot ayāwiniwāwa, mina kā ihtasiyit o pisiskimiwāwa, kiyānaw ki ka ayāmānawa? piko kiyām naskomātānik, ēkosi māka ki ka witaskimikonawak. 24hēmar māka mina okosisiyiwa ki natohtawēwak kahkiyaw aniki otēnāhk kā ohci wayawicik; tahto māka kā nāpēwicik ki sarkamsaisiwiāwak, kahkiyaw aniki iskwātēmihk otēnāhk kā ohci wayawicik.

25ki ayikin māka ēti nisto kisikāk, mēkwāc ē wisakēyitahkik, niso okosisa cēkap, simiyan mina lipay, tāina otawēmāwa, ki otinamwak ot isiwēkomāniwāwa ēkosi ē sasciwitācik ki moskistamwak otēnaw, ē ki nipahācik māka kahkiyaw kā napēwiyit. 26ki nipaēwak māka hēmara mina sikim okosisiyiwa isowēsk ohci, mina ē ki otinācik tāinawa sikim wikihk ohci ēkosi ē ki wayawicik. 27okosisa cēkap ki moskistawēwak nipatākana, ē ki nisiwanācihtācik otēnaw, cikēmā ē ki nanēpēwihāyit otawēmāwāwa. 28ki otinimēwak o māyatihkomiyiwa, o mostosomiyiwa, o sosomistatimomiyiwa, mina anima pihci otēnāhk kā kē ayāyik, mina anima kistēkānihk kā ki ayāyik. 29kahkiyaw o wēyotēsiwiniyiw, mina ot awāsimisiyiwa, mina wiwiyiwa, ki maniwatēwak, kahkiyaw pihci wāskāhikanihk kā ayāyik. 30cēkap māka omisi ki itēw anihi simiyan mina lipay, kit āyimiināwāw ē ohcitisahamawiyēk kita pakwāsicik ota kā otaskicik, kēnanaitak mina pērisaitak, ēkosi niya ē cakawāsisiyān, ni ka māmawi mawinēokwak, ēkosi kita nipaicik, ni ka nisiwanātisin māka niya mina niki. 31ki itwēwak māka, tāpiskoc ci pisikwātiskwēw kita totawāw nitawēmānān?

Currently Selected:

cēnisis 34: KKMR

Highlight

Copy