Nikamowina 145
145
nikamon ē‑mamāhtāwahamāht
onikamon David
1nika-wīhtēn kikihcēyihtākosiwin,
nikisē-manitōm mīna nikihci-okimām;
kika-nanāskomitin kākikē mīna kākikē.
2tahto kīsikāw kinanāskomitin;
kika-mamihcimitin kākikē mīna kākikē.
3kihcēyihtākosiw kā‑tipēyihcikēt ēkwa kita-kī-māhtāwi-mamihcimiht;
okihcēyihtākosiwin namōya awiyak kita-kī-nisitohtam.
4ayisiyiniwak āniskē kita-mamihcihtamwak kīkwaya kā‑kī-tōtaman;
kita-wīhtamwak kimamāhtāwi-tōtamowina.
5kita-āyimōtamwak kikistēyimikowin mīna kikihci-okimāwiwin,
ēkwa nika-ma-māmitonēyihtēn kimamāhtāwi-tōtamowina.
6ayisiyiniwak kita-āyimōtamwak kisōhki-tōtamowina,
ēkwa nika-wīhtēn kikistēyimikowin.
7kita-wīhtamwak kimāhtāwi-miywātisiwin
mīna kita-mamāhtāwahamwak ē‑isi-kisēwātisiyan.
8kā‑tipēyihcikēt sākihiwēw mīna kisēwātisiw,
sa‑sīpiyawēsiw mīna mistahi sākihiwēw kākikē.
9kahkiyaw awiya miyo-tōtawēw,
ēkwa kitimākinam kahkiyaw kīkway kā‑kī-osīhtāt.
10kā‑tipēyihcikēyan, kahkiyaw kā‑kī-osīhacik kika-mamihcimikwak
ēkwa kahkiyaw kitiyinīmak kika-nanāskomikwak.
11kita-āyimōtamwak ē‑kistēyihtākwahk kikihci-okimāwiwin,
mīna kita-wīhtamwak kikihci-sōhkisiwin.
12ēkosi kahkiyaw awiyak kita-kiskēyihtam kisōhki-tōtamowina
ēkwa kā‑kistēyihtākwahk kikihci-okimāwiwin.
13kitipēyihcikēwin kākikē kita-sīpēyihtākwan.
mīna kika-kihci-okimāwin kākikē.
kā‑tipēyihcikēt kwayask tōtam kahkiyaw kā‑kī-asotamākēt,
mīna kisēwātisiw kahkiyaw kīkway kā‑tōtahk.
14wīcihēw anihi kā‑nayēhtāwīyit;
waniskānēw anihi kā‑pahkisiniyit.
15kahkiyaw kikitāpamikwak ē‑pakosēyimototāskik,
ēkwa kimiyāwak mīciwin kā‑nitawēyihtahkik.
16kimiyāwak kita-tēpipayicik
mīna kinahēyihtamihāwak kahkiyaw.
17kā‑tipēyihcikēt kwayaskwātisiw misiwē isi,
mīna kisēwātisiw kahkiyaw kīkway kā‑tōtahk.
18kā‑tipēyihcikēt wīcēwēw anihi kā‑tēpwātikot;
kā‑tēpwātikot anihi kahkiyaw otāpwēwiniyiwa ohci.
19miyēw kīkway kā‑nōhtēpayiyit anihi kā‑kistēyimikot;
pēhtawēw ē‑mawimoyit, ēkosi pimācihēw.
20nākatohkēw kahkiyaw anihi kā‑sākihikot,
māka kita-misiwanācihēw omacātisa.
21kākikē nika-mamihcimāw kā‑tipēyihcikēt;
mahti kahkiyaw anihi kā‑kī-osīhāt kita-mamihcihtamwak kā‑kanātaniyik owīhowin kākikē.
Currently Selected:
Nikamowina 145: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
