Nikamowina 148
148
kahkiyaw awiyak ta‑mamihcimēw kisē-manitowa
1mamihcimihk kā‑tipēyihcikēt!
mamihcimihk kā‑tipēyihcikēt kihci-kīsikohk ohci.
mamihcimihk ispimihk ohci.
2mamihcimihk kiyawāw kahkiyaw okīsikowak,
kahkiyaw kihci-kīsikohk simākanisak kā‑ayāyēk.
3mamihcimihk, pīsim mīna tipiskāwi-pīsim;
acāhkosak kā‑kīhkāyāsoyēk, mahti mamihcimihk.
4mamihcimihk, māwaci-ispimihk kīsik,
mīna nipiya tahkohc kīsikohk.
5kiyām kahkiyaw kita-mamihcimēwak owīhowiniyihk kā‑tipēyihcikēyit,
ayisk wiya ē‑kī-itasiwēt ēkosi kī‑osīhēw.
6otitasiwēwinihk ohci kī‑apīhēw kākikē ita kita-ayāyit;
kī‑itakimēw ēkosi kākikē kita-ihkiniyik.
7mamihcimihk kā‑tipēyihcikēt askīhk ohci,
kihcikamiy mīna, ēkwa kahkiyaw nanātohk itāmipēk kā‑ayāyēk,
8kā‑wāsaskotēpayiyan, mīna kiya miskwamīs ē‑pahkisiniyan,
mispon mīna yīkwaskwan,
mīna misi-yōtinwa kā‑pimitisahamēk otitasiwēwin.
9mamihcimihk kiyawāw ispatināwa mīna waciya,
mīnisāhtikwa mīna sakāwa;
10kiyawāw pisiskiwak kā‑yōspisiyēk, mīna kā‑pakwacāyiwiyēk,
kā‑papāmitācimoyēk mīna kā‑pimihāyēk.
11mamihcimihk kiyawāw kihci-okimāwak mīna kahkiyaw ayisiyiniwak,
kiyawāw kihci-okimāsisak mīna kahkiyaw kotakak onīkānīwak;
12oskinīkiskwēwak mīna oskinīkiwak,
kīstawāw kēhtē-ayak mīna awāsisak.
13kiyām kahkiyaw kita-mamihcimēwak
kā‑tipēyihcikēyit owīhowiniyiw!
owīhowin māwaci-kihcēyihtākwaniyiw;
okistēyihtākosiwin ayiwākēyihtākwaniyiw
ispīhci askīhk mīna kihci-kīsikohk.
14kī‑sōhkisīhēw otiyinīma, ēkosi otiyinīma mamihcimik,
Israelīwiyiwiniwa kā‑sākihāt.
mamihcimihk kā‑tipēyihcikēt!
Currently Selected:
Nikamowina 148: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
