Nikamowina 137
137
otinākanak Babylonihk
1Babylonihk ita ē‑pimiciwahki sīpiya, nitapinān ē‑mātoyāhk,
ispīhk ē‑kiskisiyāhk Zion.
2ēkota cīki, nīpisīwāhcikosihk
nitakotānān nikitohcikanināna.
3aniki kā‑kī-otinikoyāhkok ē‑itwēcik kita-nikamoyāhk,
mīna kita-cīhkēyihtamihāyāhkok:
“wīhtaskātamok Zion.”
4tānisi kita-kī-isi-nikamostawāyāhk kā‑tipēyihcikēt pītosiyinīnāhk?
5kīspin kiwanikiskisitotātin, kiya Jerusalem,
kiyām namōya wīhkāc nika-kaskihtān kita-kitohcikēyān.
6mahti namōya wīhkāc nika-kī-nikamon kīhtwām,
kīspin namōya kikiskisitotātin,
kīspin namōya kitēyimitin ē‑māwaci-miywēyihtamihiyan.
7kanokiskisi, kā‑tipēyihcikēyan, tānisi Edom ayisiyiniwak ē‑kī-tōtahkik
anima kīsikāw kā‑kī-otinamihk Jerusalem,
ē‑kī-āhkami-itwēcik, “pīkonamok, iyawisk misiwanācihtāk.”
8Babylon, kika-misiwanācihikawin.
ta‑miywēyihtam ana awiyak kā‑wī-māyi-tōtāsk
tāpiskōc kā‑kī-māyi-tōtawiyāhk,
9ē‑otināt kitōskawāsimisa
ēkwa ē‑pakamāskosimāt asinīhk.
Currently Selected:
Nikamowina 137: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
