Nikamowina 130
130
wīcihikowin ē‑natotamihk
1osām ohci mihcēt kīkway ē‑kakwātakihtāyān
kitēpwātitin, kā‑tipēyihcikēyan!
2natohta nimawimowin, kā‑tipēyihcikēyan;
natohta ē‑tēpwātitān kita-wīcihiyan.
3kīspin kitati-masinahēn nimaci-tōtamowinināna,
namōya awiyak ka‑kī-paspīw.
4māka kipōnēyihtamawinān,
ēkosi mitoni kikihci-kistēyimikawin.
5ē‑pa-pēhak kā‑tipēyihcikēt,
nitaspēyimototawāw ka‑wīcihit,
ēkwa nimamisīn opīkiskwēwin.
6nipēhāw kā‑tipēyihcikēt
nawac ayiwāk ispīhci okanawē-tipiskwēwak
kā‑pēhocik ta‑wāpaniyik.
7hāw, Israelīwiyinītik, mamisītotāhk kā‑tipēyihcikēt,
ayisk osākihiwēwin namōya wīhkāc ka‑kīsipipayin,
ēkwa tāpitawi tēpēyimow kita-pimācihiwēt.
8wiya piko kita-pimācihēw Israelīwiyiniwa
kahkiyaw omacātisiwiniyihk ohci.
Currently Selected:
Nikamowina 130: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
