Nikamowina 126
126
kimiyikowisinānaw miyawātamowin
1tāpiskōc ē‑kī-pawātamahk ispīhk kā‑tipēyihcikēt
ē‑pēsīkoyahk kāwi Jerusalemihk!
2ē‑pāhpiyahk, ē‑nikamoyahk iyikohk ē‑miywēyihtamahk!
“kā‑tipēyihcikēyit mistahi kīkway tōtamākwak,”
kititikonawak kotakak pītosiyiniwak.
3tāpwē mitoni kihci-kīkwaya kikī-tōtamākonaw;
mistahi kikī-miywēyihtēnānaw!
4kā‑tipēyihcikēyan, miyinān kīhtwām miyo-pamihowin,
pēyakwan tāpiskōc kīhtwām kā‑pimiciwahki sīpiya kā‑kī-pāstēki.
5aniki kā‑kī-mātocik kā‑kistikēcik
pitanē kita-miywēyihtamwak ē‑pawahikēcik!
6aniki kā‑kī-ati-mātocik ē‑nitawi-kistikēcik
ka‑pē-kīwē-nikamowak kā‑pēsiwācik kistikāna.
Currently Selected:
Nikamowina 126: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
