Kucangtsi 36

Rishi Esuwa

1Ayine si rishi Esuwa ti rinyi-wu iki si Edom 2Esuwa mbe anda ti Kanana. Ti tawe si Ada, umbae Elon, urae Hiti, ti ifaen si Oholibama umbae Anah ti si umbae na umbae Zibeyon urae Hivi. 3Ti ita si Basemati umbae Ishimayel. Basemati wune si mbiya Nebayoti. 4Ada mbae Elifazi, Basemati mbae Rewel. 5Oholibama ama mbae Jewush ti Jalam ti Kora. Abane si anyisu ti arom ti a mbae na Esuwa yi Kanana.

6Esuwa pu awa-wu ti anyisu-wu ti arom ti ti anda, fa ti ande ti kununn-wu meme, ti ikentishi-wu, ti rifunn ti awu tu yi Kanana, u nwunn ka som uwog ti ta rurwen ti inja-wu Yakubu. 7Rifunn-ba ko sha pu yi ti aba u som tetso. Riben uwog ti aba ta atang ko-wu aba cwucwo be ikyaen ikentishi-ba. 8Ikyaen ayine, Esuwa (Edom) ru ka som imbyi rikwèn Seyir.

9Rishi na Esuwa, ti si itse ande ti Edom ti nae rikwen ti Seyir ta re. 10Rinyi anyisu Esuwa ta re. Uwa-wu Ada mbae na wu Elifazi. Uwa-wu Basemati mbae na wu Rewel. 11Anyisu Elifazi si Teman, ti Omar, ti Zefo, ti Gatam, ti Kenazi. 12Elifazi umbae Esuwa site unda iki ti rinyi-wu si Timina, awu mbae Amaleki. Abane si anyisu na anyisu Ada, uwa Esuwa. 13Rinyi anyisu Rewel umbae Basemati ta re. Nahati, ti Zera, ti Shama, ti Miza.

14Anyisu uwa-wu Oholibama, umbae ti unda na Anah, umbae Zibeyon, ti awu mbae na wu Esuwa si Jewush, ti Jalam, ti Kora.

15Abikwe na anyisu Esuwa ti arom ta re. Abikwe ti si anyisu Elifazi, umbae titawe Esuwa, si Ukwe Teman, ti Ukwe Omar, ti Ukwe Zefo, ti Ukwe Kenazi, 16ti Ukwe kora, ti Ukwe Gatam, ti Ukwe Amaleki. Aba ti si abikwe ti ruye rishi ana Elifazi yi uten ti Edom. Aba si anyisu-anyisu Ada, uwa Esuwa titawe.

17Anyisu na Rewel, umbae Esuwa si Ukwe Nahati, ti Ukwe Zera, ti Ukwe Shama, ti Ukwe Miza. Abane ti si abikwe ti ruye rishi ana Rewel yi uten ti Edom. Aba si anyisu na anyisu Basemati uwa Esuwa.

18Oholibama uwa Esuwa mbae abikwe bane, Ukwe Jewush, ti Ukwe Jalam, ti Ukwe Kora. Abane ti si abikwe ti ruye rishi Oholibama, umbae Anah ti unda, uwa Esuwa. 19Meme bane si anyisu na Esuwa ti si Edom, ti abikwe-ba.

Rishi na Seyir Unde ti Hori

(1 Kucin 1:38-42)

20Mbukwen ande ti som riben Edom atang ti ti kucang si anyisu Seyir, urae Hori. Aba si Lotan, ti Shobali, ti Zibeyon, ti Anah, 21ti Dishon, ti Ezer ti Dishan. Abane ti si ande ti uwe ande ti Hori ti si anyisu Seyir ti ta Edom.

22Anyisu Lotan si Hori, ti Heman. Mbiya Lotan si Timina.

23Anyisu Shobali ta re: Alivan ti Manahati ti Ebal ti Shefo ti Onam.

24Anyisu na Zibeyon si Aiya ti Anah. Anah wune ti si Anah ti ka tu imbyi isatsub ti ku tso byagkwan uwae kutur kuka kiye ti awu ku shi ikyinnsu itse-wu Zibeyon. 25Anyisu Anah si Dishon ti Oholibama umbae ti unda Anah. 26Anyisu na Dishon si Hemidan ti Eshiban ti Itiran ti Keran.

27Anyisu Ezer si Bilihan ti Zavan ti Akan. 28Anyisu na Dishan si Uzi ti Aran.

29Abikwe na ande ti Hori ama si Lotan, ti Shobali, ti Zibeyon, ti Anah, 30ti Dishon ti Ezer ti Dishan. Aba ti si abikwe na ande ti Hori ti nae uten ti Seyir.

Abikwe na Edom

31Abane si abikwe ti nae uwae uten ti Edom titawe anyisu Isirela bag Ukwe ti nae-ba: 32Bela umbae Beyor nae Ukwe risu uten ti Dinihaba ti ta uwae Edom. 33Ti Bela cwu, Jobab umbae Zera unde ti Bozira tsokyi Ukwe. 34Ti Jobab cwu, Husham Unde ti uten Teman tsokyi Ukwe. 35Ti Husham cwu, Hadad umbae Bedadi, ti ci Midiyan rika yi uten ti Mowab, tsokyi Ukwe. Awu si unde ti uka Aviti. 36Ti Hadad cwu, Samlah unde ti Masireka tsokyi Ukwe. 37Ti Samlah cwu, Shawul unde ti Rehoboti ti ta uyinn ti Yufiretis tsokyi Ukwe. 38Ti Shawul cwu, Baal-Hanan umbae Akibor tsokyi ukwe. 39Ti Baal-Hanan umbae Akibor cwu, Hadar unde ti Pawu tsokyi Ukwe. Rinyi uwa Hadar si Mehetabel, ti iya-wu si Matired umbae Mezahab.

40Abane si abikwe ti ruye rishi Esuwa ti rinyi-ba, ti rishen-ba, ti kukang-ba. Aba si Timina, ti Aliva, ti Jetet, 41ti Oholibama, ti Ela, ti Pinon, 42ti Kenazi, ti Teman, ti Mibizar, 43ti Magadiyel, ti Iram. Aba ti si abikwe na Edom ti uwog ti som-ba yi riben ti aba nae atang.

Currently Selected:

Kucangtsi 36: kubNT

Highlight

Copy