Psalmyn 54
54
PSAL. 54.
Deus, in nomine.
1Saue mee, O Yee, er graih dt’Ennym:
as gow my phaart ayns dty niart.
2Cur clashtyn da my phadjer, O Yee:
as eaisht rish goan my veeall.
3Son ta joarreeyn er n’irree seose m’oï:
as ta tranlaasee nagh vel Jee oc roish nyn sooillyn shirrey lurg my vioys.
4Cur-my-ner, she Jee m’er-coonee:
ta’n Chiarn mâroosyn ta cummal seose m’annym.
5Cooilleenee eshyn olk da my noidyn:
jean adsyn y stroie ayns dty ynrickys.
6Oural dy chree arryltagh ver-ym dhyt, as dt’Ennym y voylley, O Hiarn:
son dy vel eh cha gerjoilagh.
7Son t’eh er my livrey ass ooilley my heaghyn:
as ta my hooill er vakin e eearree er my noidyn.
Currently Selected:
Psalmyn 54: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
