Psalmyn 55
55
PSAL. 55.
Exaudi, Deus.
1Clasht rish my phadjer, O Yee:
as ny follee oo hene veih my accan.
2Gow tastey jee’m, as eaisht rhym:
kys ta mee gaccan ayns my phadjer, as ta mee seaghnit.
3Ta lheid yn ullagh er my noid, as ta ny mee-chrauee cheet orrym cha chion:
son t’ad kiarit dy yannoo olk ennagh dou, cha goanlyssagh shen t’ad soit m’oï.
4Ta my chree anveagh cheu-sthie jee’m:
as ta aggle y vaaish er duittym orrym.
5Ta aggle as creau er jeet orrym:
as ta atchim seaghnagh er my hilgey harrish.
6As dooyrt mee, O dy beagh aym skainyn myr t’ec calmane:
son eisht etlin ersooyl, as veïn ec fea.
7Cur-my-ner, yinnin eisht cosney roym foddey jeh:
as fuirraght ayns yn aasagh.
8Yinnin siyr dy scapail:
kyndagh rish y gheay stermagh as y dorrin.
9Stroie ny chengaghyn oc, O Hiarn, as cur ad noï-ry-hoï:
son ta mee er vakin neu-chairys as streeu ayns yn ard-valley.
10Laa as oie t’ad goll mygeayrt ny voallaghyn eck:
ta olkys neesht as trimshey ’sy vean eck.
11Olkys t’ayn:
cha vel molteyraght as foalsaght goll ass ny straidyn oc.
12Son cha nee noid foshlit t’er n’yannoo yn vee-onnor shoh dou:
son eisht oddin v’er ymmyrkey eh.
13Cha-moo she fer va ayns drogh aigney dou hrog eh hene seose m’oï:
son eisht foddee dy beïn er vollaghey mee hene veih;
14Agh oo hene v’ayn, my heshey:
my leeideilagh, as my charrey ainjyssagh.
15Ghow shin coyrle villish cooidjagh, as ren shin shooyll gys thie Yee myr caarjyn.
16Lhig da baase cheet orroo dy-siyragh, as lhig daue goll sheese bio ayns yn oaie:
son ta olkys ayns nyn gummallyn, as ny mast’ oc.
17Er my hon’s, eïe-ym er Jee:
as nee’n Chiarn m'y hauail.
18Fastyr, as moghrey, as ec y vun-laa nee’m padjer y ghoaill, as shen dy-jeean:
as clynnee eh my choraa.
19She eshyn ta er livrey m’annym ayns shee, veih’n chaggey va m’oï:
son va ymmodee mârym.
20Dy-jarroo, Jee hene, ta farraghtyn dy-bragh, nee m'y chlashtyn, as ver lesh adsyn sheese:
son cha jean ad chyndaa, ny goaill aggle roish Jee.
21Chur eh [yn noid] e laueyn orroosyn va ayns shee rish:
as vrish eh e chonaant.
22Va goan e veeall ny s’buiggey na eeym, as caggey ayns e chree:
va e ghoan ny shliawney na ooïll, as foast t’ad cliwnyn hene.
23O tilg dty errey er y Chiarn, as nee eh dty chummal seose:
as cha lhig eh da’n fer-cairagh tuittym son dy-bragh.
24Agh er nyn son ocsyn:
ver uss lhiat ad, O Yee, ayns yn ooig dy hoyrt-mow.
25Cha bee ny deiney foalley as molteyragh bio yn derrey lieh jeh nyn laghyn:
agh bee my hreishteil ayn-yds, O Hiarn.
Currently Selected:
Psalmyn 55: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
