Psalmyn 53
53
EVENING PRAYER.
PSAL. 53.
Dixit insipiens.
1Ta’n peccagh ommijagh er ghra ayns e chree:
Cha vel Jee erbee.
2T’adsyn er jeet dy ve feer vee-chrauee, as dwoaiagh ayns yn olkys oc:
cha vel unnane erbee ta jannoo dy-mie.
3Yeeagh Jee neose veih niau er cloan gheiney:
dy akin row veg jeu yinnagh toiggal, as shirrey lurg Jee.
4Agh t’ad ooilley er gholl ass y raad, t’ad ooilley-cooidjagh er jeet dy ve feohdoil:
cha vel unnane myrgeddin ta jannoo dy-mie, cha vel eer unnane.
5Nagh vel adsyn fegooish tushtey ta gobbraghey olkys:
gee seose my phobble myr ee-agh ad arran? cha vel ad er eamagh er Jee.
6V’ad agglit raad nagh row oyr aggle:
son ta Jee er vrishey ny craueyn echeysyn ren soiaghey ort; t’ow er choyrt ad gys nearey, son dy vel Jee er hoiaghey beg jeu.
7Oh, dy jinnagh Jee Saualtys da Israel magh ass Sion:
Oh, dy jinnagh y Chiarn e phobble y livrey magh ass cappeeys!
8Eisht yinnagh Jacob boggey ’ghoaill:
as veagh Israel feer yennal.
Currently Selected:
Psalmyn 53: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
