Yunusa 3
3
Yunusa la kawandi ma koe Niniwu
1Alatala kumata Yunusa ye kunɲama filaɲɔgɛ la, a ko: 2«Ile wuli, i ni taga Niniwu saa banba tɔ. Nde be min fɔla i ye, i ni wo lake ɲɔ kaanu ma i kulɛ mayɛlɛreŋɛ la.» 3Wo butɔ, Yunusa wulita, a tagata Niniwu saa tɔ Alatala la yamɔre butɔ. A taranta, Niniwu mu saa belebele le la min sɛnbɛ kolo, a takunte, fɔ tele saba. 4Yunusa donta Niniwu saa tɔ, a ka tele dɔndɔ tagamaŋɛ ma, a be a fɔla a kulɛ mayɛlɛreŋɛ la, a ko: «Niniwu saa si naa halagi le tele bi naani kɔtɔ!»
5Niniwu mɔgɛnu ka Ala la wo kuma sa tɔɲa la kisanna, anu ka súŋɛ́ hanige: ka bɔɔ kayiba kɔtɛnu ma, han ka ke denden mɛsɛŋɛnu ma, anu bɛ ka kinikini kuta tijɛ. 6Wo kuma la kereŋɛ Niniwu mansa ma, a wulita a la mansa tintiŋɛ tɔ, a ka a la mansa kuta bɔɔ a ma, a ka kinikini kuta jigan a ka a tijɛ a la, a sigita buguta tɔ. 7Wo kɔma, a ka kɛ yamɔre sa Niniwu saa tɔ, a ko: «Mansa nun a kɔmasɔlanu la yamɔri sareŋɛ la, a bata latɔn ka a fɔla mɔgɛnu, anun kolofen banbanu anun a lanmanu, anu kana fenfen nɛmunɛmu, anu kana fondo dɔmɔ anu kana ji min. 8Mɔgɛnu anun kolofeŋɛnu bɛnta anu ni anu tijɛ kinikini kuta la, ka belebele Ala la sɛnbɛ la. A bɛ be kila koroŋɛ min tɔ, bɛ ni a boloka. Bɛ be kantabɛlɛya min tɔ, a ni dan wo ma. 9Ɲɔmɔ le ka a lɔn ka Ala si naa a la nata masara a ni to a te dumɛn mɔ ma, mɔ ni to mɔ te naa faga?»
10Ala ka anu la kata yen anu la kila koroŋɛ boloka koe la. A be ɲagankata min nataren nun anu halagi koe la, a ka a masara; a ma a ma bitugun.
Currently Selected:
Yunusa 3: MOG
Highlight
Share
Copy
Want to have your highlights saved across all your devices? Sign up or sign in
