Yunusa 2
2
Yunusa la Ala mataraŋɛ
1Alatala ka yɛgɛ belebele lasanba a ni Yunusa kunun. Tele saba suu saba, wo bɛ Yunusa be toren yɛgɛ bue tɔ. 2Yunusa be yɛgɛ bue tɔ, a ka Alatala mataran, a be Ala min batula, 3a ko:
«N na ɲagankata butɔ, n ka ile Alatala mataran,
i ka n jaabi.
N be dinka tɔ, iko mɔgɔ fagareŋɛnu la gabure,
n ka i kele n fabɛ koe la,
i ka n kulɛ mɔɛ.
4I ka n nafili ba tɔ, ka min fisa luggɛla,
je sɛnbɛ ka n namilin;
i la mɔrɔŋɛnu anun i la je bɛ tanbita n kunma.
5Nde be a fɔla:
I bata n bee i kɛnna,
kɔnɔ n mɛn si naa i la batu bon saniyandeŋɛ tayen de.
6Je bata n bita n jɔkɔlɛ tɔ,
ji banba ka n namilin;
ɲagamanu firifirita n kuŋɛ la miliŋɛ tɔ.
7N bata jigi han kɔnkɛnu daŋɛ tɔ;
n bata to fagabaganu tɛma,
bondanu bata balan sabue la n kunma,
anu te laka bitugun.
Kɔnɔ ile Alatala, n na Ala,
i ka n talayɛlɛ kɛ gabure tɔ n kende la.
8N nɛ be bɔɔla n tɔ tɛmuɛ min tɔ nun,
n ka ile Alatala la ko talɔn.
N na mamataraŋɛ tagata han a keta i ma
i batu bon saniyandeŋɛ tɔ.
9Minnu be bakkuren kuyenu batu koe la,
wonu bata i la ko kanunteya aɲɛ.
10Kɔnɔ nde si sarika bɔɔ i ye,
n si beete bɔɔ i tantu koe la.
N ka lahirenu minnu jigan i ye
n si anu lakamali.
Alatala le be malakise mala!»
11Awa, Alatala kumata yɛgɛ ye; yɛgɛ ka Yunusa tɛsɛri kɛnɛ tɔ kisanna.
Currently Selected:
Yunusa 2: MOG
Highlight
Share
Copy
Want to have your highlights saved across all your devices? Sign up or sign in
