Matteus 6

Bergpreika held fram. Den rette gudstenesta åt Jesu læresveinar: dei skal tena Gud i ånd og sanning, 1-18, samla seg skattar i himmelen, 19-23, og ikkje byta hjarta sitt millom Gud og Mammon, 24-34.

1Akta dykk at de ikkje gjer dei gode gjerningane dykkar for augo på folk, so dei skal sjå kor gjæve de er! For då hev de ingi løn i vente hjå Far dykkar i himmelen.#Matt 23,5 2Vil du gjeva ei sælebotsgåva, so blås ikkje fyrst i luren um det, som hyklarane gjer i synagogone og på gatone, so folk skal rosa dei; det segjer eg dykk for sant: Dei hev alt fenge si løn.#Rom 12,8 3Men når du gjev ei sælebotsgåva, so lat ikkje den vinstre handi di vita kva den høgre handi di gjer! 4Lat gåva di vera duld, og Far din, som ser det som dult er, han skal løna deg upp i dagen.#Luk 14,14 5Når de bed, so far ikkje åt som hyklarane! For dei vil helst standa i synagogone og på gatehyrno og halda bøn, so dei kann få syna seg fram for folk; det segjer eg dykk for sant: Dei hev alt fenge si løn. 6Men når du vil beda, då gakk inn i kammerset ditt og lat att døri og bed til Far din, som er i det dulde, og Far din, som ser i det dulde, skal løna deg upp i dagen. 7Remsa ikkje upp mange ord når de bed! So gjer heidningane - dei trur bønene deira skal høyrast for dei mange ordi skuld. 8Gjer då ikkje som dei! Far dykkar veit kva de treng, fyrr de bed han um det.#Matt 6,32 9Soleis skal de beda: Fader vår, du som er i himmelen! Lat namnet ditt helgast;#Luk 11,2-4; Sal 115,1 10lat riket ditt koma; lat viljen din råda på jordi so som i himmelen;#Luk 22,42 11gjev oss i dag vårt daglege brød;#Ordt 30,8 12og forlat oss vår skuld, som me og forlet våre skuldmenn;#Sal 32,5; Ef 4,32 13og før oss ikkje ut i freisting; men frels oss frå det vonde. For riket er ditt, og makti og æra i all æva. Amen.#2 Tim 4,18 14For um de forlet andre misgjerningane deira, so skal Far dykkar i himmelen forlata dykk og;#Mark 11,25 15men forlet de ikkje andre, so skal ikkje Far dykkar heller forlata dykkar misgjerningar.#Matt 18,3 16Når de fastar, skal de ikkje laga dykk sturne som hyklarane; for dei skaper seg til i andletet, so folk skal sjå at dei fastar; det segjer eg dykk for sant: Dei hev alt fenge si løn.#Jes 58,5 17Men når du fastar, då salva hovudet og två andletet ditt, 18so ikkje folk, men Far din i det dulde kann sjå at du fastar; og Far din, som ser i det dulde, skal løna deg. 19Samla dykk ikkje skattar på jordi, der mol og makk et og øyder, og tjuvar bryt seg inn og stel,#Ordt 23,4; Jak 5,1-2; 1 Tim 6,9 20men samla dykk skattar i himmelen, der korkje mol eller makk øydelegg, og tjuvar aldri bryt seg inn og stel!#Luk 12,33 21For der skatten din er, der vil hjarta ditt og vera.#Luk 12,34 22Auga er ljoset i lekamen; er auga ditt klårt, so vert heile lekamen ljos;#Luk 11,34 23er auga ditt dimt, so vert heile lekamen myrk. Når då ljoset inni deg er myrkt, kor stort vert ikkje myrkret då! 24Ingen kann tena tvo herrar; for anten vil han hata den eine og halda av den andre, eller halda seg til den eine og vanvyrda hin; de kann ikkje tena både Gud og Mammon.#1 Kong 18,21; Luk 16,13 25Difor segjer eg dykk: Syt ikkje for livet dykkar, kva de skal eta og kva de skal drikka, eller for lekamen dykkar, kva de skal klæda dykk med! Er ikkje livet meir enn maten, og lekamen meir enn klædi?#Luk 12,22-30; Fil 4,6; 1 Pet 5,7 26Sjå på fuglane i lufti: Dei sår ikkje og haustar ikkje og samlar ikkje i hus, og Far dykkar i himmelen føder dei like vel. Er ikkje de mykje meir enn dei?#Job 39,3; Sal 147,9 27Og kven av dykk kann leggja ei einaste aln til livsvegen sin, um han syter aldri so mykje? 28Og kvi syter de for klædi? Sjå liljone på marki, korleis dei veks! Dei arbeider ikkje, dei spinn ikkje; 29men eg segjer dykk at ikkje sjølve Salomo i all sin herlegdom var so klædd som ei av dei.#Fork 2,4-11 30Klæder no Gud soleis graset på marki, det som stend i dag og vert kasta i omnen i morgon, skulde han då ikkje mykje heller klæda dykk, de fåtruande! 31So må de då ikkje syta og segja: Kva skal me eta? eller: Kva skal me drikka? eller: Kva skal me klæda oss med? 32For alt det spør heidningane etter; men Far dykkar i himmelen veit at alt sovore treng de um. 33Søk fyrst Guds rike og hans rettferd, so skal de få alt dette attpå!#1 Kong 3,11-15; Sal 37,25 34So syt då ikkje for morgondagen! Morgondagen lyt syta for seg. Kvar dag hev nok med si møda.

Currently Selected:

Matteus 6: NO1938N

Highlight

Copy