Popular Bible Verses from Matteus 6

Share

Søk fyrst Guds rike og hans rettferd, so skal de få alt dette attpå!

So syt då ikkje for morgondagen! Morgondagen lyt syta for seg. Kvar dag hev nok med si møda.

Difor segjer eg dykk: Syt ikkje for livet dykkar, kva de skal eta og kva de skal drikka, eller for lekamen dykkar, kva de skal klæda dykk med! Er ikkje livet meir enn maten, og lekamen meir enn klædi?

Men når du vil beda, då gakk inn i kammerset ditt og lat att døri og bed til Far din, som er i det dulde, og Far din, som ser i det dulde, skal løna deg upp i dagen.

Soleis skal de beda: Fader vår, du som er i himmelen! Lat namnet ditt helgast; lat riket ditt koma; lat viljen din råda på jordi so som i himmelen

gjev oss i dag vårt daglege brød

og forlat oss vår skuld, som me og forlet våre skuldmenn

og før oss ikkje ut i freisting; men frels oss frå det vonde. For riket er ditt, og makti og æra i all æva. Amen.

For um de forlet andre misgjerningane deira, so skal Far dykkar i himmelen forlata dykk og

Sjå på fuglane i lufti: Dei sår ikkje og haustar ikkje og samlar ikkje i hus, og Far dykkar i himmelen føder dei like vel. Er ikkje de mykje meir enn dei?

Samla dykk ikkje skattar på jordi, der mol og makk et og øyder, og tjuvar bryt seg inn og stel, men samla dykk skattar i himmelen, der korkje mol eller makk øydelegg, og tjuvar aldri bryt seg inn og stel! For der skatten din er, der vil hjarta ditt og vera.

Ingen kann tena tvo herrar; for anten vil han hata den eine og halda av den andre, eller halda seg til den eine og vanvyrda hin; de kann ikkje tena både Gud og Mammon.

Klæder no Gud soleis graset på marki, det som stend i dag og vert kasta i omnen i morgon, skulde han då ikkje mykje heller klæda dykk, de fåtruande!

Men når du gjev ei sælebotsgåva, so lat ikkje den vinstre handi di vita kva den høgre handi di gjer! Lat gåva di vera duld, og Far din, som ser det som dult er, han skal løna deg upp i dagen.

Akta dykk at de ikkje gjer dei gode gjerningane dykkar for augo på folk, so dei skal sjå kor gjæve de er! For då hev de ingi løn i vente hjå Far dykkar i himmelen.

Når de fastar, skal de ikkje laga dykk sturne som hyklarane; for dei skaper seg til i andletet, so folk skal sjå at dei fastar; det segjer eg dykk for sant: Dei hev alt fenge si løn. Men når du fastar, då salva hovudet og två andletet ditt, so ikkje folk, men Far din i det dulde kann sjå at du fastar; og Far din, som ser i det dulde, skal løna deg.