Efesarane 6

Skyldnaden åt born og foreldre, 1-4, tenarar og husbondsfolk, 5-9. Dei truande skal bu seg med dei våpni som Gud gjev dei, til mandig strid mot Satan og myrkheims makter, og beda for alle dei heilage og for Paulus sjølv, 10-20. Apostelen sender no Tykikus til dei, og han skal fortelja dei korleis han hev det, 21.22. Paulus ynskjer lesarane til slutt Guds nåde, 23.24.

1De born, lyd dykkar foreldre i Herren, for det er rett.#Kol 3,20 2Æra far din og mor di - dette er det fyrste bodet med lovnad -#2 Mos 20,12; Matt 15,4 3so det må ganga deg vel, og du fær leva lenge i landet.#Ordt 3,2 4Og de feder, arga ikkje borni dykkar, men fostra dei upp i Herrens tukt og påminning!#Kol 3,21; Ordt 19,18; 5 Mos 6,7; Sal 78,4 5De tenarar, ver lydige mot dykkar herrar etter kjøtet, med age og otte, i dykkar hjartans einfelde, som mot Kristus,#Kol 3,22; 1 Pet 2,18 6ikkje med augnetenesta, som slike som vil tekkjast menneske, men som Kristi tenarar, so de gjer Guds vilje av hjarta 7og godviljugt tener som for Herren og ikkje som for menneske;#Kol 3,23 8for de veit at kva godt kvar gjer, det skal han få att av Herren, anten han so er tenar eller fri mann.#Rom 2,6; 1 Kor 3,8 9Og de herrar, gjer det same mot dei, so de let vera å truga; for de veit at både deira og dykkar Herre er i himmelen, og han gjer ikkje skil på folk.#Kol 4,1; 5 Mos 10,17; Job 34,19; 1 Pet 1,17 10Elles, vert sterke i Herren og i hans veldes kraft!#1 Kor 16,13; 2 Tim 2,1 11Klæd dykk i Guds fulle herbunad, so de kann standa dykk imot djevelens sløge åtak!#Rom 13,12; 2 Kor 6,7; 10,4-5; 1 Pet 5,8 12For me hev ikkje strid mot blod og kjøt, men mot herrevelde, mot makter, mot heimsens herrar som råder i myrkret i denne tid, mot vondskaps åndeher i himmelrømdi.#Kol 1,13; 2,15 13Tak difor Guds fulle herbunad på, so de kann standa imot på den vonde dag og verta standande når de hev vunne yver alt.#2 Kor 6,7; 10,4 14So statt då umgyrde um dykkar lend med sanning, og klædde i rettferds-brynja,#Jes 11,5; 1 Pet 1,13; Jes 59,17; 1 Tess 5,8 15og umbundne på føtene med den tilbunad til strid som evangeliet um freden gjev.#Apg 10,36 16Og tak attåt alt dette tru-skjolden, so de med den kann sløkkja alle gloande piler frå den vonde,#1 Pet 5,9 17og tak frelse-hjelmen og Andens sverd, som er Guds ord,#Hebr 4,12; Op 1,16 18medan de alltid bed i Anden med all bøn og påkalling og er årvakne i det med all trott og bøn for alle dei heilage,#Luk 18,1; Kol 4,2; Matt 24,42; 25,13 19og for meg med, at det må verta gjeve meg ord når eg opnar min munn, so eg med fritt mod kann kunngjera løyndomen i evangeliet,#Rom 15,30; Kol 4,3; 2 Tess 3,1; Apg 4,29 20den som eg er sendebod for i lekkjor, at eg må tala med frimod um han, soleis som eg bør tala.#Apg 28,20; 2 Kor 5,20 21Men so de og kann få vita um mitt tilstand, korleis det gjeng meg, skal Tykikus fortelja dykk alt, han den kjære bror og true tenar i Herren,#Apg 20,4; Kol 4,7 22som eg just difor sender til dykk at de skal få vita korleis det er med oss, og at han kann trøysta hjarto dykkar. 23Fred vere med brørne, og kjærleik med tru, frå Gud Fader og Herren Jesus Kristus!#Gal 5,6 24Nåde vere med alle som elskar vår Herre Jesus Kristus med uforgjengeleg kjærleik!#2 Kor 13,13; 1 Kor 16,22

Currently Selected:

Efesarane 6: NO1938N

Highlight

Copy