Yesaya 4

1Mu zuŵa ilo ŵanakazi ŵankhonde na ŵaŵiri ŵizamkukora mwanarume yumoza na kumuphalira kuti, “Ise tiryenge vyakurya vyithu ndipo tijivwarikenge tekha, kweni utizomerezge kuti tichemekenge na zina lako mwakuti tiwuskeko soni zithu.”

Yerusalemu wakuwezgerekaso uchindami wakhe

2Mu zuŵa leneilo, Fumu yamkumezga munthavi wakhe uwo wamkuŵa wakutowa na wa uchindami. Ndipo vuna ya mu charu yamkuŵa yakuthumbwiramo na kuŵaso uchindami wa awo ŵati ŵaponepo mu charu cha Israele. 3Wose awo ŵakharako mu Ziyoni na kukhara mu Yerusalemu ŵati ŵachemekenge ŵakupatulika, wose awo ŵalembeka pamoza na ŵamoyo mu Yerusalemu. 4Penepapo Fumu yamkuphotora zakwananga za ŵanthu ŵa mu Yerusalemu. Ndipo yamkusuka ndopa izo zikathika mwenemura na mzimu wakhe wa weruzgi na wa moto. 5Penepapo, na muhanya, Fumu yizamkuŵika bingu pachanya pa Phiri la Ziyoni na pa wumba wa ŵanthu, ndipo na usiku yizamkuŵika josi na kuŵala kwa dimi la moto. Pakuti uchindami wa Chiuta uti uŵenge nga ndi chihema chakubenekerera malo ghose ghara.#Kuf 13.21, 24.16 6Uchindami wakhe uti uŵenge nga ndi mufwiri wakupumulirako ku chithukivu pa nyengo ya muhanya ndiposo na malo ghakuphokweramo na ghabisamamo ku chimphupuru na vura.

Currently Selected:

Yesaya 4: Tumbuka

Highlight

Copy