Amosi Maronje
Maronje
Amosi wakaŵa muliska mweneuyo wakachemeka na Chiuta kuŵa nchimi. Ku kwakhe kukaŵa ku Tekowa mu charu cha Yuda ndipo wakati wachemeka wakaruta kuya kapharazgira ŵaIsraele ku ufumu wa ku mpoto wa charu cha Israele mu chirimika cha 750 pambere Khristu wandaŵeko. Pa nyengo iyi charu chira chikaŵa chisambazi ndiposo mu mutende. Ŵanthu nawo ŵakaŵa ŵakutemwa kusopa.
Kweni nchimi Amosi wakawona kuti ŵasambazi pera ndiwo ŵakasambazgikanga. Iwo ŵakayuzganga ŵakavu ndipo usopisopi wawo ukaŵa wa upusikizgi. Pa dera pa Fumu Chiuta, iwo ŵakasopangaso ŵachiuta ŵanyakhe nangauli iwo ŵakakhumbanga ndipera kuti Fumu Chiuta ndiyo waŵapwerererenge.
Na mtima wa chikanga na mazgu gha nkhongono nchimi Amosi wakaŵapharazgira ŵanthu kuti zuŵa liti lifikenge apo Fumu yizamkuŵalangira. Kweni Amosi wakakhumbisiska ndipera kuti kulikose kuŵe weruzgi wakunyoroka na wambula kutemwera. Wakapempha kuti weruzgi wakunyoroka wende nga mronga (5.24) ndipo wakati, “Panji Fumu, Chiuta Mwenenkhongono zose wamkuŵa na lusungu kwa awo ŵakharako mu nyumba ya Yosefe.” (5.15)
Ndondomeko ya vya mukati
Chilango cha Fumu ku ŵamitundu ŵakuzengezgana na Israele 1.1—2.5
Chilango cha Fumu ku ŵaIsraele 2.6—6.14
Mboniwoni zinkhonde izo Amosi wakawona 7.1—9.15
Currently Selected:
Amosi Maronje: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi