Jòb 18
18
Dezyèm koze Bildad ak Jòb
1Bildad, moun peyi Chwa a, pran lapawòl, li di konsa:
2— Jòb #Mak 12.13 monchè, ou pa ka pe bouch ou yon ti kadè?
Si ou te fè yon ti sispann, nou ta pale avè ou!
3Poukisa #Sòm 73.22 ou pran nou pou moun san konprann?
Poukisa ou pran nou pou zannimo?
4Si #Jòb 14.18; 16.9 ou ankòlè, se pwòp tèt ou ase w'ap fè mal.
Atò, poutèt ou, se pou tout moun sou latè te mouri?
Se pou Bondye te deplase mòn yo pou fè ou plezi?
5Wi, #Jòb 21.17; Sòm 18.28; Pwo 13.9 y'ap touye limyè mechan an,
flanm dife l la p'ap klere ankò.
6Lanp lakay li ap mouri,
limyè lakay li ap tenyen.
7Li #Jòb 5.13 te konn mache byen enganm, kounyeya se ti pa ti pa,
l'ap bite. Se plan li t'ap fè yo ki lakòz sa rive l.
8Li #Sòm 9.15; 140.5 pile yon pèlen, pye l pran ladan l.
9Kòd la mare nan je pye l, l'ap sere l byen sere.
10Yo kache yon chita tann pou li anba tè.
Yo moute yon pèlen sou wout li.
11Kote l #Jòb 20.25; Jer 6.25 vire, malè ap tann li.
Kote l pase, yo la dèyè l.
12Grangou #Sòm 38.17 nan kò l fini ak kouray li.
Malè kanpe la bò kote l ap tann li.
13Yon sèl maladi po pete sou tout kò l.
L'ap manje tout janm li ak tout bra li yo.
Se tè ki pou geri l.
14Yo #Rev 9.11 rale l mete deyò anba tant kote li te al kache a.
Yo trennen l devan jeneral Lanmò.
15Kounyeya, nenpòt #Sòm 11.6; Eze 38.22 moun gendwa pran kay li a pou yo.
Y'ap dezenfekte l nèt ak souf. #18.15: souf: Nan tan sa a se ak souf yo te konn sèvi pou netwaye pyès kay kote yo te espoze kadav moun mouri apre lantèman.
16Anba #Jòb 14.2; Oze 9.16; Mal 4.1 tè, rasin li yo ap mouri.
Anwo tè, branch li yo ap fennen.
17P'ap #Jòb 30.8; Sòm 34.16; 109.13,15 gen pèsonn k'ap chonje l ankò sou latè.
Y'ap bliye l nèt nan tout peyi a.
18Y'ap #Jòb 10.21,22 pouse l sòti nan limyè ale nan fènwa.
Y'ap depòte l byen lwen nan peyi san chapo.
19Li #Eza 14.22 p'ap kite ni pitit, ni okenn lòt fanmi nan mitan pèp la.
Yo tout ap mouri anvan l.
20Depi #1 Sam 26.10; Jòb 21.6; Jer 50.27 sou bò solèy leve jouk sou bò solèy kouche,
tout moun pral sezi wè jan li fini.
21Wi, #Jij 2.10; Jer 9.3; 2 Tes 1.8 men sa k'ap tann lakou moun k'ap fè mechanste yo,
fanmi moun ki pa respekte Bondye yo.
Currently Selected:
Jòb 18: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
