Iyohaichish 51
51
51. Iyohaichish.
Shinotcha esapane guru gusu. Batsheba orun omna okaketa, orota uweingara guru ne Natan ek ita, Dabid kara iyohaichish.
1AA Kamui, E koro omap-an-ramuhauge-hi an korachi, en orun pirika irenga sange wa en kore:
E koro poro ramuhauge irenga an gusu ku ohaitarep ushka wa en kore:
2Ku goro wen-buri gusu ara en furaye wa en kore,
Ku goro katpak gusu en ashkannere wa en kore.
3Kuani ku ohaitarep ku eraman:
Ku katpak anak ne ku shik-samata okai ruwe ne.
4Aokai epeka no, ouse Aokai epeka no katpak ku ki nisa,
Orowa, E shik-samata wenbe ku ki nisa:
Aokai anak ne itak ye ita oupeka no aesanniyo kuni gusu,
Aokai koipishi ita turu-sak no an kuni gusu an ruwe ne gusu ne na.
5Wen-buri an wa a en shikore na,
Wen-buri an wa ku goro habo shinnai kat iyeunu nisa ruwe ne.
6Aokai anak ne keutum ta okai son no ambe nukan rusui ruwe ne,
Orowa, nuina wa an ushiketa en wayashnure kusu ne.
7Hissop ani en ashkannere wa en kore, yakun, ku turu-sak kusu ne.
En furaye wa en kore, yakun, upas kasu no ku retara kusu ne na.
8Aokai kaye ponehe anak ne anupetnere kuni gusu,
Nupetne ambe newa yaikopuntek ambe en nure wa en kore.
9Ku katpak otta E nanuhu seshke,
Ku wen-buri obitta isamka wa en kore.
10Aa Kamui, en gusu turu-sak sambe kara wa en kore,
Orowa, en onnaigeta utumashi shomoki keutum ashin no kara wa en kore.
11E shik-sam wano iteki en emaka wa en kore;
Shui, en orowa no iteki E koro Ashkanne ramat uk wa en kore,
12E koro kashiobiuki-hi gusu an nupetne ambe kannashui en kore:
Orowa, irenga an ramat ani en nitata wa en kore.
13Yakun, ohaita ki utara otta E ruhu ku epakashnu;
Orowa akokatpak utara E orun ahoshippare kusu ne na.
14Aa Kamui, en kashiobiuki Kamui, keukbe orowa no e en ohaitare wa en kore;
Yakun, ku parumbe anak ne E koro oupeka ambe gusu rui no shinotcha ki kusu ne na.
15Aa Utarapa, ku papush maka wa en kore;
Yakun, ku paro anak E ramye ash kusu ne.
16Aokai anak ne ayangep gusu shomo enupetne, enupetne chiki akore kusu ne;
Uhuyeka ayangep Aokai anak ne shomo enupetne ruwe ne gusu ne na.
17Kamui ayange kunip anak ne oknatara keutum ne:
Oknatara newa yaikokatpak an keutum, Aa Kamui, Aokai shomo etunne kusu ne na.
18Aokai rengaine Zion orota pirikap ki wa en kore;
Yerusarem koro chashi roshkire wa en kore.
19Yakun, Aokai anak ne oupeka-hi ari an ayangep, ramne an uhuyeka ayangep, enupetne kusu ne:
Orowa, E yange-set kata beko yange kusu ne na.
Currently Selected:
Iyohaichish 51: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
