Iyohaichish 50
50
50. Iyohaichish.
Asap kara iyohaichish.
1KAMUI, chikoro Kamui ne Ehoba anak neitak sange,
Chupka wano chuppok pakno moshiri konishuk nisa ruwe ne.
2Iyotta shiritokbe Zion orowa no Kamui kiai atte nisa ruwe ne.
3Chikoro Kamui ek wa son no mo no an shomoki kusu ne
Shinuma kotchaketa isamka abe an,
Shinuma okari ta rerashiu hetuku wa an na.
4Shinuma anak ne koro utara koipishi kuni ne,
Rik orowa no kando orun hene toitoi orun hene hawe ash ruwe ne:
5Ayangep koro wa En tura uitaknup ashte,
Ku goro ashkanne utara En orun uwekarapa yan.
6Orowa, kando anak ne Shinuma koro oupeka ambe assuru ashte,
Kamui yaikata anak koipishi ki Kamui ne ruwe ne gusu ne na. [Sera.]
7Aa ku goro utara, nu yan, yakun, ku itak kusu ne;
Aa Israeru, eani gusu paweteshu ku ki kusu ne:
Kamui, e koro Kamui Ku ne ruwe ne.
8E yangep gusu shomo ku pakashnu ash na;
Ruwe un, e koro uhuye yangep ramma en kotchaketa an ruwe ne.
9E kot chisei wano shine beko hene,
E koro chikoikip topaha wano shine pinne yangi hene shomo ku uk na.
10Kim ta okai chikoikip pishno ku korobe ne,
Inne nupuri kata okai chikoikip ku korobe ne ruwe ne.
11Kim un chikap obitta ku eraman.
Orowa, nup ta okai niwen chikoikip ku esanniyop ne ruwe ne.
12Ku ibe-rusui chiki, e nure ash shomoki kusu ne: Moshiri newa koro aeshikbe obitta ku korobe ne ruwe ne gusu ne na.
13Pinne beko kam ku ibe,
Yangi kem ku iku kunip ne ruwe he an?
14Iyaiiraige, ambe Kamui otta yange,
Iyotta Rikunbe orun itaknu ki yan;
15Yairamhekomo ita En orun kohawe ashte yan,
Orowa, Kuani e kashiobiuki kusu ne, aige, eani En ramye kusu ne na.
16Koroka, wen utara otta Kamui ene itak-hi:—
Hemanda gusu eani anak ne ku goro uitaknup nure ya?
Nep gusu eani anak ne koro paro otta ku goro tuitak koro ya?
17Koroka, eani anak ne apakashnu ambe etunne wa;
Ku goro itak e oshmake orun emaka nisa?
18Ikka guru e nukara ita, tura no e ramuoshma ilisa,
Hoiyo utara tura no an guru e ne ruwe ne naa
19Wenbe gusu e paroho apita,
E koro parumbe kokandama ki ruwe ne,
20E a wa koro iriwak gusu shungep ye,
Koro haho koro poho uoputuye ruwe ne.
21Tap okaibe e ki nisa, awa, mo no ku an,
Aige, kuani anak me son no newa eani korachi ne sekoro e yainu nisa;
Kuani anak ne e epakashnu ash, nei okaibe e shik samata ku ande kusu ne na.
22Tane Kamui oira utara; tambe esanniyo yan, Ikineipeka kashiobas kuni iguru isam ita ika e uibeoshke kusu me na:
23Iyaiiraige yangep yange gurʼ anak ne Eri ko-oripak ruwe ne;
Orowa, kon ruhu etoko-oiki guru otta
Kamui kashiobiuki-hi ku nukare kusu ne na.
Currently Selected:
Iyohaichish 50: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
