Popular Bible Verses from Iyohaichish 51

Share

Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.

E koro kashiobiuki-hi gusu an nupetne ambe kannashui en kore: Orowa, irenga an ramat ani en nitata wa en kore.

E shik-sam wano iteki en emaka wa en kore; Shui, en orowa no iteki E koro Ashkanne ramat uk wa en kore

Kamui ayange kunip anak ne oknatara keutum ne: Oknatara newa yaikokatpak an keutum, Aa Kamui, Aokai shomo etunne kusu ne na.

AA Kamui, E koro omap-an-ramuhauge-hi an korachi, en orun pirika irenga sange wa en kore: E koro poro ramuhauge irenga an gusu ku ohaitarep ushka wa en kore: Ku goro wen-buri gusu ara en furaye wa en kore, Ku goro katpak gusu en ashkannere wa en kore.

Hissop ani en ashkannere wa en kore, yakun, ku turu-sak kusu ne. En furaye wa en kore, yakun, upas kasu no ku retara kusu ne na.

Aokai epeka no, ouse Aokai epeka no katpak ku ki nisa, Orowa, E shik-samata wenbe ku ki nisa: Aokai anak ne itak ye ita oupeka no aesanniyo kuni gusu, Aokai koipishi ita turu-sak no an kuni gusu an ruwe ne gusu ne na.