Iyohaichish 39
39
39. Iyohaichish.
Shinotcha rekte utara esapane gusu, Jedutun gusu an ap. Dabid kara iyohaichish.
1PARUMBE ani katpak iteki ku ki kuni ne,
Ku ruhu ku esanniyo kusu ne, sekoro ku itak nisa:
En kotchaketa wen utara okai rapoketa,
Omonkai ani ku paroho ku shikkashima kusu ne na.
2Mo no an wa shomo ku itak, pirikap otta ne yakka shomo ku itak nisa,
Orowa, ku ki oknatara ambe anak ne chiukopoye nisa ruwe ne.
3En oshike un sambe anak ne seisek ruwe ne:
Yaikoshiramshuiba ku ki rapoketa nei abe aare nisa ruwe ne.
Orowa, parumbe ani ku itak-hi;
4Ehoba, ku okere-i hemhem, ku shiknu kuni toho nei pakno an a hemhem,
En eramande wa en kore;
Nep oro pakno katchakbe ku ne ya, en eshiramkire wa en kore.
5Ingara, ku toho anak tek-tomotuye korachi ne E kara;
Ku paha anak ne Kamui tek-samata nep ne ka aramu shomoki korachi ne:
Son no newa, obitta no okai utara irammakaka an ita yakka pishno oara rera ne.
6Son no newa, obitta no an guru anak ne noka korachi apkash na:
Son no un, raka sak no keutum kopoye ruwe ne:
Ikoro eumashnu, koroka, okaketa nei ambe uina kusu ne a guru nen ne ruwe he an eramushkare.
7Orowa, Aa Utarapa, nep tane ku echipachipa ya?
Aokai gusu ku eyaikopashte ruwe ne.
8Ku ohaitap orowa no en ohaitare wa en kore;
Ramusak utara iteki en aeyainikoroshmarep ne kara kuni ne ki wa en kore.
9Shomo ku itak, ku paro shomo ku hasa;
Aokai nei ambe kan nisa ruwe ne gusu ne na.
10E ki shirikik ambe en orowa no oyakta omande wa en kore;
E tekehe ani a en panakte gusu a en isamka ruwe ne.
11Ainu wen wa gusu, Aokai anak ne kopashirota ani panakte ita anak ne;
Shish korachi nei guru koro shiretok-hi E isamka ruwe ne. [Sera.]
Son no newa, obitta no okai utara pishno paha korachi ne.
12Aa Ehoba, ku ki inonno-itak nu wa en kore; ku ashte hau orun ikokanu wa en kore;
Ku sange nupe iteki ikorampoktuye wa en kore:
Kuani anak ne E tek-samata oya guru korachi ne;
Ku goro ekashi korachi payekai guru ku ne ruwe ne gusu ne na.
13Nekon ka newa, tewa no ku oman wa isam etokota.
En erampokiwen wa en tumashnure wa en kore.
Currently Selected:
Iyohaichish 39: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
