Iyohaichish 40
40
40. Iyohaichish.
Shinotcha esapane guru gusu. Dabid kara Iyohaichish.
1KU chipachipa wa Ehoba ku ehuye:
Awa, Shinuma en orun ikokanu wa ku ashte hawe nu nisa ruwe ne.
2Shinuma anak ne sakayo an shui orowa no, yachi oma furetoi orowa no, en etaye;
Aige, watara kata ku kema ande wa ku oman-i ashte nisa ruwe ne.
3Chikoro Kamui ramye kuni ashiri shinotcha ku paro orota aomare:
Inne utara nei ambe nukara wa kimatek kusu ne, Orowa, Ehoba eyaikopashte kusu ne na.
4Pakesara utara kashiramu shomoki, shungep orun shomo hosari wa,
Eli oba eyaikopashte gurʼanak ne anunuke ne ruwe ne.
5Aa ku goro Kamui ne Ehoba, Aokai iki aerayapka ikip anak ne inne ruwe ne.
Orowa, un gusu E esanniyo yainu-hi anak ne,
Aokai orun aashte eaikapbe ne;
Nei okaibe gusu ku ye wa ku pita rusui chiki,
Apishki eaikap pakno inne ruwe ne.
6Chikoikip newa koho ayange kunip Aokai enupetne shomoki;
Ku kisaraha Aokai pui o:
Uhuika ayangep newa katpak gusu an ayangep Aokai kon rusui shomoki ruwre ne.
7Nei ita ene ku itak-hi: —Hetak, ku ek shiriki: Nei kambi-sosh kata en gusu anuye wa an na:
8Aa ku goro Kamui, E korʼirenga ku ki kuni ku konoburu na;
Ruwe ne wa, E koro tuitak anak ne ku keutum ta an ruwe ne.
9Poro uwekari otta oupeka ambe ku eupaskuma ki nisa;
Hetak, ku papush shomo ku seshke kusu ne, sekoro,
Aa Ehoba, Aokai eraman ruwe ne.
10E koro oupeka orushpe ku keutum oshiketa shomo ku nuina nisa;
E koro ikipniukesh-hi newa kashiobiuki-hi ku ye nisa:
Poro uwekari gusu E koro omap-an-ramuhauge-hi newa sonep shomo ku nuina nisa ruwe ne.
11Aa Ehoba, en gusu iteki E koro ramuhauge-rampoken seshke wa en kore:
E koro omap-an-ramuhaugep newa sonep anak ne ramma en koshiratkire wa en kore.
12Inambe gusu ne yakun, inne no okai wenbe en nikkotama,
Ku nan-epuni eaikap pakno ku ki ohaitap en oshkoni ruwe ne;
Ku sapa otop-tu kasu no inne wa gusu ku keutum nin shiriki.
13Aa Ehoba, irenga sange wa en kashiobiuki wa en kore:
Aa Ehoba, chashnu no en ikashiu wa en kore.
14Ku ramat isamka kuni gusu hunara utara Shine-ikinne ayainikoroshmare wa sambe kokurusere wa en kore:
En wende rusui utara
Aehorokare wa akoatcha kuni ne kara wa en kore.
15En orun, Aba, Aba, ye utara anak ne
Yainikoroshma wa aiekimatekte wa en kore.
16E hunara utara anak ne obitta Aokai gusu nupetne wa yainuchattekka wa en kore:
E kashiobiuki-hi omap wa ramma kane
Ehoba apasere an na, sekoro yere wa en kore.
17Koroka, kuani anak ne otek-sak wa irapokkari guru ne;
Utarapa en esanniyo:
Aokai anak ne ikasbiu Kamui ne, en kashiobiukip ne;
Aa ku goro Kamui, iteki tere wa en kore.
Currently Selected:
Iyohaichish 40: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
