Iyohaichish 38
38
38. Iyohaichish.
Aeshkarunde kuni gusu Dabid kara Iyohaichish.
1AA Ehoba, iteki irushka wa en pakashnu:
Iteki seisek no kinrakara wa en panakte wa en kore.
2E koro ai en eroshki,
E koro teke yupke no en rarapa ruwe ne.
3Aokai irushka gusu ku goro kam otta nisashnu ushike isam;
Ku katpak gusu ku goro pone shomo shini ruwe ne na.
4Ku wen-buri anak ne ku sapaha kamure
Pase shikehe nei no en gusu mashkin no pase ruwe ne.
5Ku haitap gusu,
Ku piri anak ne hura at wa munin ruwe ne.
6Ku ukomomse wa ara ku hotku;
To ebitta yaituwashkarap ku ki ruwe ne.
7Ku kiruosh shiri seisek;
Ku kam otta nisashnu ushike isam ruwe ne.
8Ku sambe-toranne wa son no piri ao:
Sambe aetushtek gusu hawe ku ashte nisa ruwe ne.
9Aa Utarapa, ku kon rusuibe anak ne E kotchaketa okai,
Ku nuwap hawe anak ne E otta aseshke shomo ne ruwe ne.
10Ku sambe popporose, ku tum-sak;
Ku shiki oma pekere anak ne, nei ambe aokere na.
11En katairotke utara newa ku iriwak utara tura ku tashum gusu oyakta roshki;
Ku utarahi anak ehangeko no roshki ruwe ne.
12Ku inotu hunara utara ne yakka en gusu akbe ande;
Orowa, en wende rusui utara anak ne shunge itak ye,
To ebitta shungep ramepakari ruwe ne.
13Koroka, kuani anak ne ashpa guru korachi shomo ku nu;
Paro hasa shomoki shomo-itak guru korachi ku ne.
14Ruwe un, shomo nu guru korachi ne,
Paro oshiketa ese-itak isam no an guru korachi ku ne ruwe ne.
15Aa Ehoba, Aokai gusu ku chipachipa ruwe ne:
Aa Utarapa ne ku goro Kamui, Aokai anak ne ese-itak ki kusu ne na.
16Inambe gusu ne yakun, ene ku itak-hi: —Ikineipeka nei utara ika en gusu nupetne:
Ku chikiri oshitteshu ita ika en gusu yairiknare kuni gusu ne na.
17Hera no apkash ku etoko-oiki,
Ramma yairamhekomo ruwe ne.
18Ku goro wen-buri ku eyaipushi;
Ku goro katpak gusu ku yairamhekomo kusu ne.
19Koroka, en epokba utara anak ne niwashnu wa okirashnu ruwe ne:
Orowa, ikkewe sak no en kowen utara ainnere nisa ruwe ne.
20Shui, pirikap shirine wenbe sange utara anak ne
En epokba ruwe ne, pirikap ku ki ruwe ne gusu ne na.
21Aa Ehoba, iteki en em aka wa en kore:
Aa Ku goro Kamui, iteki en orowa no ehangeko no an wa en kore.
22Aa en kashiobiuki Utarapa,
Tunashi no en ikashiu wa en kore.
Currently Selected:
Iyohaichish 38: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
