Iyohaichish 37
37
37. Iyohaichish.
Dabid karape.
1WENBE ikichi utara gusu iteki keutum yaiseisekka yan,
Oheuge-buri ikichi utara gusu iteki ikoitupa yan.
2Inamhe gusu ne yakun, nei utara anak ne mun korachi chashnu no aotuyeba,
Fukinani kina nei no shumumge kusu ne gusu ne na.
3Ehoba eyaikopashte wa pirikap ki yan;
Orowa, moshiri kata oshiroma wa sone ambe ibe kusu ne.
4Shui Ehoba gusu yai yainuchattekka yan;
Yakun, e keutum koramkorobe akore kusu ne na.
5E apkash ru Ehoba shikkashimare yan;
Shinuma gusu eyaikopashte, yakun, Shinuma nei ambe kara kusu ne.
6Orowa, e koro oupeka-i pekere korachi Shinuma atte,
E koro esanniyop tokap noshike korachi atte kusu ne na.
7Ehoba gusu mo no okai, ramushiroma no Shinuma etere yan:
Kon ru otta eyaiepirikare guru gusu,
Wen aesanniyop hetukure guru gusu, iteki keutum yaiseisekka yan.
8Iteki irushka, kinrakarape emaka yan:
Iteki keutum yaiseisekka, nei ambe anak ne ouse wen-buri hetukurep ne ruwe ne.
9Inambe gusu ne yakun, wenbe ikichi utara anak ne aotuyeba kusu ne:
Koroka, Ehoba orun ingara utara anak ne, nei utara anak toitoi eikeshkoro kusu ne.
10Naa pon no shiri an chiki wen utara isam kusu ne:
Ruwe un, Aokai anak ne tomte no nei guru an i hunara, yakka, isam kusu ne na.
11Koroka, ramu-rotcha utara anak ne toitoi eikeshkoro kusu ne;
Orowa, nuye an no an itomo gusu yainuchattek kusu ne.
12Wen utara anak ne oupeka utara gusu wenbe oshke wa,
Koro nimaki ari shinuma orun nirewewe ruwe ne.
13Utarapa anak ne shinuma emina kusu ne,
Shinuma koro toho ek shiri an i nukan ruwe ne gusu ne na.
14Otek-sak guru newa irapokkarai guru hachire,
Ruhu otta oupeka utara ronnu kuni ne;
Wen utara anak ne rangetam etaye, koro ku koreuba nisa ruwe ne:
15Nei utara koro ibetam anak ne yaikota koro sambe otke,
Koro ku akaye kusu ne na.
16Inne wen utara koro nuye an no an okaibe kasu no
Oupeka utara pon no patek koro ambe anak ne naa pirika ruwe ne.
17Wen utara koro amunin akaye kusu ne:
Koroka, Ehoba anak ne oupeka utara ashtere ruwe ne.
18Ehoba anak ne aeramushinne okai utara koro toho eraman:
Nei utara eikeshkorope ramma pakno an kusu ne.
19Wenbe an ita anak ne nei utara shomo yainikoroshma kusu ne:
Orowa, heman toho ta aeramushinne kusu ne na.
20Koroka, wen utara anak ne aisamka kusu ne,
Orowa, Ehoba epokba utara anak ne areshpa chikoikip mimushbe ukorachi ne:
Nei utara aisamka kusu ne; shupuya nepkoro isam kusu ne na.
21Wen utara anak ne shose uk wa shomo hoshipire:
Koroka, oupeka utara anak irenga sange wa kore ruwe ne.
22Shinuma orowa no anunuke utara anak ne toitoi eikeshkoro kusu ne;
Orowa, Shinuma iyoitakushi utara anak ne aushtekka kusu ne na.
23Ehoba anak ne ainu oman-i ashte;
Orowa, nei guru anak ne Shinuma kon ruhu enupetne ruwe ne.
24Shinuma hachiri yakka shomo aemaka kusu ne:
Ehoba anak ne koro teke punire ruwe ne gusu ne na.
25Upen guru ku ne, awa, tane ku on ne ruwe ne;
Yakka, oupeka guru aemaka-hi hene,
Shinuma koro santek aep shikaobiukiyara ambe hene, shomo ku nukan nisa.
26To ebitta shinuma irenga sange wa okaibe erusa;
Orowa, shinuma koro santek anunuke ambe ne ruwe ne.
27Wenbe eshishi wa pirikap ki;
Aige, ramma pakno oshiroma yan.
28Inambe gusu ne yakun, Ehoba anak ne aesanniyop omap wa,
Koro ashkanne utara shomo emaka;
Nei utara anak ne ramma pakno akoshiratki shiri okai:
Koroka, wen utara koro santek anak ne aotuyeba kusu ne na.
29Oupeka utara anak ne toitoi eikeshkoro wa,
Ramma pakno oshiroma kusu ne na.
30Oupeka utara koro paroho anak ne wayashnup ye,
Koro parumbe anak ne aesanniyop itak ruwe ne.
31Koro Kamui tuitak anak ne Shinuma koro keutum ta an;
Koro chinika anak oshitteshu shomoki ruwe ne.
32Wen utara anak ne oupeka utara shiruwande,
Raige kuni gusu hunara ruwe ne.
33Nei guru koro teke ta Ehoba anak ne shinuma ande shomoki,
Shui, akoipishi ita shomo akokatpakte kusu ne na.
34Ehoba gusu echipachipa wa kon ruhu shikkashima yan,
Yakun, echi ariknare wa toitoi aeikeshkore kusu ne:
Wen utara aotuyeba ita, aokai nei ambe nukara kusu ne na.
35Wen utara poro kiroro koro hine,
Koro toi otta shukup wa tapkanni kara fu chikuni nei no shipiraspa-i ku nukan nisa ruwe ne.
36Koroka, akush wa paye, awa, ingarʼan, isama:
Ruwe un, ku hunara yakka apa eaikap nisa ruwe ne na.
37Aeramushinne guru ingara, oupeka guru orun nukara yan:
Nei guru okese-i anak ne itomo ne ruwe ne gusu ne na.
38Ohaitap ki utara anak, ukoiramno aisamka kusu ne:
Wen utara okese-i anak ne aotuye kusu ne.
39Koroka, oupeka utara kashiobiuki ambe anak ne
Ehoba otta an:
Shinuma anak ne yairamhekomo ambe an ita nei utara koro kiroroashnu chashi ne ruwe ne.
40Orowa, Ehoba anak ne nei utara ikashiu wa kashiobiuki ruwe ne:
Wen utara orowa no ohaitare wa kashiobiuki, Shinuma gusu nei utara eyaikopashte nisa ruwe ne gusu ne na.
Currently Selected:
Iyohaichish 37: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
