Iyohaichish 36
36
36. Iyohaichish.
Shinotcha esapane guru gusu. Ehoba koro uitekbe ne Dabid karape.
1KU goro keutum ta okai wen-buri ohaitap ene ye-hi:—
Koro shik-samata Kamui ko-oripak ambe isam, sekoro itak.
2Inambe gusu ne yakun, koro wen-buri anukara wa aetunne shomoki kusu ne sekoro
Yaikota koro shik-samata yairatchitarare ruwe ne gusu ne na.
3Koro paroho oma itak anak ne irarape ne shungep ne ruwe ne:
Pirikap ki kuni wayashnu-hi aokere nisa ruwe ne.
4Shotki kata wenbe esanniyo;
Pirika shomo ne an ruhu otta yaiashte:
Wenbe etunne shomoki ruwe ne na.
5Aa Ehoba, E koro omap-an-ramuhauge-i anak ne kando otta an;
E koro sonep aoingara kando pakno epa ruwe ne.
6E koro oupeka-i anak ne Kamui nupuri nepkoro ne;
E ki esanniyo-hi anak ne shiri ooho ambe ne;
Aa Ehoba, Aokai anak ne ainu hene chikoikip hene kashiobiuki ruwe ne.
7Aa Kamui, E koro omap-an-ramuhauge irenga nep nupurube humi!
Utara koro poho anak ne E koro tekkup sempiriketa yainuina ruwe ne.
8Nei utara anak ne E kora kenru ta an kiripu gusu nuye an no aeramushinne;
Orowa, E koro nupetne pet otta Aokai nei utara ikure kusu ne na.
9Inambe gusu ne yakun, E otta inotu motoho an ruwe ne:
E koro nupeki gusu nupeki chi nukarʼash kusu ne na.
10Aa, E eamkiri utara gusu ramma omap-an-ramu-hauge-i atte;
Keutum oupeka utara orun oupekap sange wa en kore.
11Pakesara chikiri iteki en epokba,
Wen utara koro tekehe iteki en oke we kuni ne kara wa en kore
12Nei ita irarape iki utara hachiripa wa okai ruwe ne:
Nei utara ahachire wa hopumba eaikap kusu ne na.
Currently Selected:
Iyohaichish 36: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
