I Samueri 22

Davidi unotizira kuɓako reAdurami.

1Naiɀoɀo Davidi wakabva’po, akatizira kuɓako reAdurami; ɀino hama dzake naʋose ʋeimba yaɓaɓa ʋake ʋakati ʋaciɀinzwa, ʋakaɓurukira’ko kwaari. 2Ɀino ʋose ʋakaŋga ʋari panjodzi, naʋose ʋakaŋga ʋanemhoȿa, naʋose ʋakaŋga ʋaneshuŋgu ʋakaʋuŋgana kwaari, akaʋa mutuŋgamiriri waʋo; kwakaŋga kunaʋarume ʋaneŋge mazana manna naye.

3Ɀino Davidi akabva’po, akaenda Mizpe kwaMoabi; akati kunamambo waMoabi: Ƃaɓa ʋaŋgu namai ʋaŋgu ndinokumbira kuti ʋaʋuye ʋagare nemi, kuȿikira ndaziʋa candicaitirwa naMŋari. 4Akaʋaisa kunamambo waMoabi, ʋakagara naye ŋguʋa yose yokugara kwaDavidi munhare. 5Ɀino muprofita Gadi akati kunaDavidi: Usaramba ugere munhare, asi ibva undogara panyika yaJuda. Ipapo Davidi akabva, akaȿika kuɗondo reHereti.

Sauro unoraira kuti ʋanhu ʋose ʋeNobi ʋaʋurawe.

6Ɀino Sauro wakanzwa kuti Davidi wawanikwa, iye naʋarume ʋaiʋa naye; Sauro wakaŋga agere Gibea, munyasi momuti womutamariski paRama, akaɓata pfumo rake muruʋoko rwake, naʋaranda ʋake ʋose ʋakaŋga ʋamire naye. 7Ɀino Sauro wakati kuʋaranda ʋake ʋakaŋga ʋamire naye: Inzwai ɀino, imi ʋaBenjamini! Mŋanakomana waJese ucakupai mose minda neminda yemizambiriŋga here? Ucakuitai mose ʋakuru ʋeɀuru naʋakuru ʋamazana here? 8Ɀamandiraŋgana mose, ɀakusinomumŋe unondiziʋisa kana mŋanakomana waŋgu akaita suŋgano nomŋanakomana waJese, ɀakusinomumŋe wenyu unondinzwira tsitsi, kana unondiziʋisa kuti mŋanakomana waŋgu wakamutsa muranda waŋgu kuti andimukire, andiʋandire, seɀaanoita nhasi here? 9Ipapo Doegi muEdomi, wakaŋga amire naʋaranda ʋaSauro, akapindura, akati: Ndakaʋona mŋanakomana waJese aciȿika Nobi, kunaAhimereki mŋanakomana waAhitubi. 10Iye akamubvunzira kunaJehova, akamupa mbuʋa, akamupa ʋo munondo waGoriati muFiristia. 11Ipapo mambo akatuma nhume kundoɗana Ahimereki muprista, mŋanakomana waAhitubi, naʋeimba yake yose, iʋo ʋaprista ʋaiʋa paNobi; ʋakaʋuya ʋose kunamambo. 12Ɀino Sauro akati: Ɀino cinzwa, iwe mŋanakomana waAhitubi. Iye akapindura, akati: Ndiri pano, ishe waŋgu. 13Sauro akati kwaari: Mandiraŋganireiko, iwe nomŋanakomana waJese, ɀawakamupa ciŋgwa, nomunondo, nokumubvunzira kunaMŋari, kuti andimukire, andiʋandire seɀaanoita nhasi? 14Ipapo Ahimereki akapindura mambo, akati: Ndianiko pakati paʋaranda ʋenyu ʋose wakatendeka saDavidi, mukwambo wamambo, unosiraŋgana nemi, unokudzwa mumba menyu? 15Ndiko nhasi kwandataŋga kumubvunzira kunaMŋari here? Haiȿa! mambo ŋgaarege hake kusundira muranda wake mhoȿa, kunyaŋge ʋose ʋeimba yaɓaɓa ʋaŋgu; nokuti muranda wenyu haaziʋi iɀoɀo ɀose, kunyaŋge ɀiɗuku kana ɀikuru. 16Ipapo mambo akati: Ɀirokwaɀo, ucafa Ahimereki, iwe naʋose ʋeimba yaɓaɓa ʋako. 17Mambo akati kuʋanyai ʋakaŋga ʋamire naye: Tendeʋukai, muʋuraye ʋaprista ʋaJehova, nokuti maʋoko aʋo anoɓatsira Davidi, nokuti ʋakaŋga ʋaciziʋa kuti watiza, asi haʋana‐kundiziʋisa. Asi ʋaranda ʋamambo ʋakaramba kutambanudzira maʋoko aʋo kuʋuraya ʋaprista ʋaJehova. 18Ipapo mambo akati kunaDoegi: Tendeʋuka iwe, uʋuraye ʋaprista. Doegi muEdomi, akatendeʋuka, akaʋuraya ʋaprista, akaparadza nomusi iwoyo ʋanhu ʋanamakumi masere naʋashanu ʋakaŋga ʋakafuka efodi yomuceka. 19Akaparadza ʋo Nobi, guta raʋaprista, neminondo inopinza, ʋarume naʋakadzi ʋose, naʋana naʋakaŋga ʋacimŋa, neŋombe, nemboŋgoro, namakwai; ɀose ɀakaparadzwa neminondo inopinza. 20Asi mumŋe waʋanakomana ʋaAhimereki mŋanakomana waAhitubi, wainzi Abiatari, wakapukunyuka, akatiza, akateʋera Davidi. 21Abiatari akaʋudza Davidi kuti Sauro waʋuraya ʋaprista ʋaJehova. 22Davidi akati kunaAbiatari: Musi uya wandakaʋona Doegi muEdomi ari’po, ndakaziʋa kuti ɀirokwaɀo ucandoʋudza Sauro; ndini ndakaʋurayisa ʋanhu ʋose ʋeimba yaɓaɓa ʋako. 23Gara hako neni, usatya; nokuti unotȿaka kundiʋuraya ini, ndiye unotȿaka kukuʋuraya iwe ʋo; nokuti kana ukagara neni ucaceŋgetwa.

Currently Selected:

I Samueri 22: SUB1949

Highlight

Copy