Taian Areru 5
5
(Ana Areru Tawita i bukin te tia kaira te anene ae kabongana te b'ai ni katangitang ae kanga ai aron te bu)
Te Tataro i bukin te Buobuoki
1Te UEA, Ko na ongora n au taeka,
Ao ongo naba kainanou.
2Atuau ao au king!
ongo b'anaau ni kani buokaki!
B'a I tataro nakoim.
3Te UEA, Ko na ongo n au tataro,
n te ingabong;
I kawenei au bubuti i matam,
Ao I kakantaningaa am kaeka.
4Tiaki te Atua ngkoe
ae Ko tangira te buakaka;
e na aki maeka iroum ane buakaka.
5Ko aki kan tei i matan te tia kainikatonga;
Ko ribaia ni kabaneia akana karaoa ae buakaka.
6Ko kamaunaiia taani kewekewe
Ko ribaa te tiritiri, ao te tia kam'anea te aba.
7Ma i bukin batin am Tangira,
ao I a kona n roko n am Auti;
ao n taromauri n am Tembora are Tabu
ma ni boobaraaki ni karineko.
8Te UEA, Ko na kairiirai n am Raoiroi
i bukiia taan ribaai;
Ko na kaboraoa kawaim ae N na iria.
9A aki onimakinaki baike a taekin au kairiribai;
a tangira ti te urub'ai.
A wiikoa ni wiiraraoi,
ma a onrake nanoia n te kam'aam'ane.
10Te Atua, katuaaia;
ao karika b'akaia boni man aia babaire.
Kakionakoia mai matam
i bukin aia bure aika a bati
ma aia kakaitara nakoim.
11Akana a biri nakoim i bukin katanaia;
ke a anene ni kim'areirei n taai nako.
Kataniia akana a tangiriko raoi ni koaua;
ao kakim'areireia.
12Ara UEA, Ko na kakab'aiaia akana a ongotaeka iroum,
a kamanoaki n am Tangira kaanga te otanga.
Currently Selected:
Taian Areru 5: KNVB
Highlight
Share
Copy
Want to have your highlights saved across all your devices? Sign up or sign in
