Taian Areru 4
4
(Te areru mairoun Tawita i bukin te tia kaira te katangitang, ae te b'ai ni katangitang ae iai karaina.)
Te Tataro n te Tairiki
1Atuan au raoiroi, Ko na ongo irou
ngkana I weewete;
Ko kainaomataai man rawaawatau:
Ko na nanoangaai, ao ongo au tataro.
2Maanraa ngkami aomata ni kamaamaeai?
Maanraa ngkami n tangira ae akea bonganana?
Ao ni iriira te kewe?
3Uringnga b'a E a tia te UEA n rineia
aomata aika kakaonimaki b'a ana Aomata,
ao E ongo irou ngkana I weteia.
4Ngkana kam un ao tai bure;
iangoa raoi aei,
n ami tai ae kabuingoingo i aon nnemi ni wene.
5Kam na kareani karea ni koaua,
ao kam na onimakina te UEA.
6A bati aika a tataro ni kaangai,
“Kakab'aiaira te UEA.
Ao kaota raoi ootan am Atataiaomata i aora!”
7Ko kaaki te kim'areirei i nanou,
Ae e m'aiti riki nakoni kim'areireia
ngkana a kabatiaki aia uita ma aia wain.
8I a kona ni wene ni matu ma te rau:
B'a bon ti Ngkoe, te UEA, ae Ko kakaawakinai raoi.
Currently Selected:
Taian Areru 4: KNVB
Highlight
Share
Copy
Want to have your highlights saved across all your devices? Sign up or sign in
