Taian Areru 3
3
(E koreia Tawita ngke e birinako mairoun natina are Abetarom)
Te Tataro n te Kaarangaina
1Te UEA, ai batiraa aiau.
A bati akana teirake n eekainako, 2ao a kaangai,
“Akea kamaiuam iroun te Atua.”
3Ma bon otangau Ngkoe,
ao Ko anganai te tokanikai,
ma te karineaki ae bati.
4I kanenea b'anaau n tataro nakoim te UEA,
ao Ko kaekaai man am Maunga are Tabu.
5I matu; ao I uti ma te marurung
b'a ngkoe, te UEA,
ae Ko kaawakinai.
6I aki makuia aomata
aika tebwina tengaa m'aitiia,
aika katobibiai n eekainako.
7Te UEA ae te Atua, teirake ao kamaiuai.
Orom'angaiia taan ribaai,
ao urui naba wiia,
8b'a Ko tararuaia am Aomata
ma ni kakab'aiaia.
Currently Selected:
Taian Areru 3: KNVB
Highlight
Share
Copy
Want to have your highlights saved across all your devices? Sign up or sign in
