Taian Areru 2
2
Te King ae Rineaki iroun te Atua
1A aera botannaomata ngkai a kiriwe?
A aera aia aomata ngkai
a karaoi babaire aika akea bonganaia?
2A bootaki
uean aonnaba
n eekaanako te UEA
ma ana King are E rineia.
3Ao a kaangai, “Ti na motikii roobu
ao ti na kainaomataira!”
4E na ngarengare te Uea are tekateka
i aon ana kaintokanuea i karawa,
ni b'ainingareia botannaomata.
5E na taetae n un nakoia
ao E na kakamakuia
n unna,
ngkai E kaangai,
6“I a tia ni kamaekaa au king i Tion,
are au Maunga are Tabu.”
7N na taekina te berita
are E atongnga te UEA nako iu:
“Natiu ngkoe, b'a n te bong aei
I a riki b'a tamam.
8Ko na butiai i bukiia botannaomata
ni kabaneia i aonnaba,
ao N na anganiko ni kabaneia.
9Ko na tiriboia
n te oko ae te biti
ao ni ibeibeia
kanga ai aron te m'angko ae te tano.”
10Kam na wanawana ni kabane, ngkami taan tautaeka,
ao kaakauongo raoi.
11Kam na toro iroun te UEA ao karinea;
ao kim'areirei ma te ruru.
12Kaota karinean natina
b'a ngkana kam aki,
ao E na un iai,
ao E na kamaunaingkami.
Ma E na kakab'aiaia ni kabane
akana a biri nakoina.
Currently Selected:
Taian Areru 2: KNVB
Highlight
Share
Copy
Want to have your highlights saved across all your devices? Sign up or sign in
