Taian Areru 6
6
Te Tataro i bukin Ana Buobuoki te UEA n tain te kanganga
(Ana Areru Tawita i bukin mataniwiia taan kaira te anene, ake a kabonganai b'aini katangitang aika iai karaia ni kaineti ma te “sheminith” ae te b'ai ni katangitang ae m'aane karaina)
1Te UEA, Ko na tai boaai,
ke ni kataereai n reireiai ngkana Ko un.
2Te UEA, Ko na nanoangaai; b'a I a nrairai.
Ko na kamaiuai, b'a I rangi ni mamaara.
3E korakora kiriween nanou. Ai ti maanraa ngkoe Te UEA
ao Ko a buokai?
4Te UEA, rairaki ao nako mai kamaiuai;
Ko na kamaiuai ngkai Ko ataataiaomata.
5Akea uringam irouia aika mate;
ao antai ae kona n neboiko i Tiore?
6I kua i bukini korakoran rawawatan nanou;
e tingo nneu ni wene n te tairiki ae koraki i bukin tangiu;
ao e rangi n roto uningau n rannimatau.
7I a aikoa bati n noraaba;
a tibutau matau
imwin tangu ni korakai irouia aiau.
8Naako mairou, ngkami ni kabaneingkami aika kam buakaka!
E ongo tangiu te UEA;
9E ongo au bubuti ni kani buokaki;
E na kaekai au tataro ni kabane.
10A na ataa korakoran te kamamaa ae e reke man te konaaki au kairiribai;
A na waetata ni biri nako ma te mamaa ae bati.
Currently Selected:
Taian Areru 6: KNVB
Highlight
Share
Copy
Want to have your highlights saved across all your devices? Sign up or sign in
