MATTHAI 28

Jesu thohkiitna

1Khawlni beikuan, hapta ni masapen diing khua ahung vaah kuanin, Mari Magdalene leh Mari dang chu haan en diingin a hung va. 2Huleh ngai in, zil nasatahin ahung liing a; ajiahchu Lalpa angel vaan apatin ahung kumsuh a, huleh haan kot apat suang a liihkhia a, a tungah a touta hi. 3A meel kilatdan chu kawlphe bangmai ahi a, a puansilh chu vuuh bangin a vaam hi. 4Huleh amah a lau jiahun veengtute chu a kithing va, misi bangin ahung umta uhi. 5Huin angel in numeite a houpih a, a kawmvah, Lau sih un; Jesu kilhbeh a um chu na hawl uh chih ka he hi. 6Amah hi-ah a um sih; ajiahchu ama’n a soi bangin a thouta hi. A lupna mun hung en mah un. 7Huleh kintahin chiah unla, nungjuite kawmah, Misi lah apatin a thou kiitta; huleh, ngai un, Galili gam lamah na ma vah a chiah hi, hu mun ah amah na mu diing uh, chi'n va hilh un; ngai un, Ka hung hilh zouta hi, a chi a. 8Huin amahuh chu lau leh kipaah mahmah kawmin, haan apatin kintahin a chiah va; huleh a nungjuite va hilh diingin a taita va. 9Huleh a nungjuite va hilh diing a a chiah laiun, ngai in, Jesu’n amahuh a tuaah a, Chibai, a chi a, Huin a hung va, a keengte tu in a bia uhi. 10Huin Jesu’n a kawmvah, Lau sih un; chiah unla, ka unaute Galili gam a chiah diingin va hilh un, hu mun ah ahung mu diing uhi, a chi a. 11Huleh amahuh a chiah laiun, ngai in, veengtute khenkhat khopi sungah a hung va, siampu lalte kawmah sil umdan zousiah a va hilh va. 12Huleh upate toh a kikhop va a kihoutuaah zohun, sepaihte kawmah sum tampi a pia va, 13A kawmvah, Jan in, ka ihmut kal un, a nungjuite a hung va, amah ana guta uh, chi un. 14Huleh gamoptu’n ana jah taahleh, keiun amah ka heem diing va, nanguh ka hung hunkhe nadiing uh, a chi va. 15Huchi'n sum chu a la va, amahuh a hilh bang ngeiun a bawlta uh; huleh hi thu chu Juda mite lahah tuni tanin a kisoi nalai hi. 16Huin nungjui sawmlekhatte chu Galili gam ah Jesu’n a guatsah taang ah a chiah va. 17Huleh amah a muh tahun chibai a buuh va; hizongleh khenkhat in a ginglel uhi. 18Huin Jesu chu a kawmva hung in amahuh a houpih a, Vaan leh lei a thuneihna zousiah ka kawmah piah ahita. 19Hujiahin chiah unla, nam chin a mi nungjui in siam unla, Pa leh Tapa leh Hagau Siangthou min in baptis un; 20Thu ka hung piah zousiah jui diingin thuhilh un; huleh ngai un, kei bangchihtanin, khovel tawp dongin na kawmvah ka um diing hi, a chi hi. Amen.

Currently Selected:

MATTHAI 28: SIMTBSI

Highlight

Copy