ADECHHÜ 10

Noah Tsathu Shicübvüghathu

(1 Kc 1.5-23)

1Hathu ha Noah tsa: Shem, Ham, nu Jafeth shicübvüghathu. Ha kecheng ha atssüdon kegho seng wi atsa hathu muya.

2Jafeth tsathu; Gomer, Magog, Madai, Javan, Tubal, Meshek, nu Tira — ha mathu bamyithu nyan. 3Gomer shicüthu na Ashkemaz, Rifath, nu Togarma nyithu. 4Javan shicüthu na Elisha, Spain, Sipra, nu Khode nyithu; 5mathu na anyi atssükedone katen nu atssü mangkehi wi hang keten bamyithu. Jafeth shicüthu na amizza kepapa ayyi kepapa wi hang nu papa jühjja khi.

6Ham tsathu: Kush, Ejipt, Libia, nu Kanaan— ha mathu bamyithu nyan. 7Kush shicüthu na Seba, Havila, Sabta, Rama, nu Sabteka nyithu. Rama shicüthu na Sheba nu Dedan nyithu. 8Kush tsa na Nimroth ayyi miwi aghikekhang ntsa atuwa. 9Apvüwa kekhang ghena ma asa kejügü kemehai nyi sa, tsalina anyithu khi, “Apvüwa na no sapi Nimroth asakejügü kemehaiwa ti sa kecüwa salo!” 10Aghatsan wi ma kadiyyi na Babilon, Erek, nu Akkad tsüdila saghu ha kecheng qho Babylonia yyi wi. 11Ma ayyi ciwi na Assiriya wi wa anyunuti Nineve, Rehoboth-Ir, Kala, 12nu Nineve nu anyunuti ketiwa Kala manyi jüwi Resen hathu saya.

13Ejipt shicüthu na Lydia, Anan, Lehab, Naftu, 14Pathru, Kaslu, nu Kreta nyithu, mathu shicüthu na Filistin nyithu #10.14: Filistin nyithu; Ibri wi mathu shicüthu na Filistinthu nu Kreta

15Kanaan tsathu keqhaiwa na Sidon, nu Heth — ha mathu bamyithu nyan. 16Kanaan na anyi hathu baqhai la sa Jebus, Amor, Girgash, 17Hivi, Arkit, Sinit, 18Arvad, Zemari, nu Hamath nyithu. Kanaan nyithu amizza kepapa kesa na bvüzighe wa, 19Sidon ggü kecu acülawa Gaza kete Gerar, nishuwa Sodom, Gomorrah, Adma, nu Lasha kete Zeboüm. 20Ham shicüthu na amizza kepapa ayyi kepapa wi hang nu papa jühjja khi.

21Jafeth cünyu keqhaiwa Shem na Ibri nyi tsüdi baqhai. 22Shem tsathu — Elam, Asshur, Arpakshad, Lud, nu Aram, ha mathu bamyithu nyan. 23Aram shicüthu na Uz, Hul, Gether, nu Meshek nyithu. 24Arpakshad na Eber bawa Shela ba. 25Eber na atsa keni ben; kesü nyan Peleg,#10.25:Peleg: Anyan hawa ha Ibri jüh wina na “gishüzighe”. kepaghenanye ma tsüwi ayyi pi gishüa; kepawa nyan na Joktan. 26Joktan shicüthu na Almodad, Shelef, Hazarmaveth, Jera, 27Hadoram, Uzal, Dikla, 28Obal, Abimael, Sheba, 29Ofir, Havila, nu Jobab nyithu. Mathu tsüdila Joktan shicü. 30Mathu kahang yyiwa tsüna Mesha wina wa nishuwa yikha diyyi wi Sefar kecu. 31Shem shicüthu na amizza kepapa ayyi kepapa wi hang nu papa jühjja khi.

32Anyi hathu tsüdila Noah shicüthu, mathu myishi kenie wina mathu amizza kepapa sa hang. Atssükedon na ayyi keyasa seng wi Noah shicüthu ha wina ayyi wi amizza tsüdi sa bvüa.

Currently Selected:

ADECHHÜ 10: RENGNBSI

Highlight

Copy