ADECHHÜ 9
9
Anyiza Na Noah Ssinu Ajühkecen
1 #
Ade 1.28. Anyiza na sawegü pi Noah nu ma tsathu cü nu khi, “Atsanga kejon benyalo, isanu nthu shicübvüghathu na ayyi tsüdi wi hangyalo. 2Aghangsa, awathu, nu anga tsüdi nthu messi nu hang thsüden. Mathu tsüdi pi nthu kekhu wi chidha. 3Nthu na tsüthu nu aghangwen la dsaya mehai, hi tsüthu tsüdi pi nthu tsse sa thsüdha. 4#Lev 7.26,27; 17.10-14; 19.26; Aye 12.16,23; 15.23. Isala ajjü na asa wi keben tsü ndsala, kepaghenanye kahangli na ajjü wi ben. 5Kesüle kesü lela anyi kahangli kepathiwa hi ma miwi kahangli ya nengden; nu aghangsa na anyi kahangli kepathiwa hi tsü pi shü thsüaden. 6#Bvü 20.13; Ade 1.26.Anyiza na anyi pi ma tsi ti sachi, tsalina thowa na anyi pathi khe anyi kepa wi ma pathiaben. 7#Ade 1.27. Nthu atsanga kejon ben meyathu yishü, isanu nthu shicübvüghathu na ayyi tsüdi wi hangyalo.”
8Anyiza na Noah nu ma tsathu wi kiza, 9-10“Hi khili nthu nu nthu shicübvüghathu, kahangli keben tsüdi — awa nu aghangsathu, — nthu gweghe ahunjjen wina shhugho keyathu tsüdi ssinu cenkethenjüh kesü saben. 11Ajüh hathu wi nthu ssinu cenkethenjüh saben: Hi ijüh khuchiben, haseng witsü hi atssükedon pi kahangli keben tsüdi meyasa nengdha; nu atssükedon pi ayyiwa tsü meyasa nengdha. 12Hi nthu nu kahangli keben tsüdi ssinu anuphan cenkethenjüh sa keben zensu wi, 13hi cünieqho-keshon pi akulu wi chitheng. Tsüna hi ayyiwa ssinu cenkethenjüh zensu. 14Hi khathansha atssan wi akulukeshü sengho nu cünieqho-keshon muya khe, 15hi nthu nu aghangsathu tsüdi tuwi ijühkhuchi ketheng atssükedon pi kahangli keben tsüdi meyasa nengdha kesa tsü meshen yaden. 16Akulu wi cünieqho-keshon shhugho nu hi tsü muya lethu hi ayyi wi kahangli keben tsüdi ssinu anuphan ghena cenkethenjüh sa ketheng tsü meshen yaden. 17Tsüwa tsüna hi ayyi wi kahangli keben tsüdi ssinu ajüh cenketheng zensu.”
Noah Nu Ma Tsathu
18Ahunjjen wina shhukeya Noah tsa kecheng na Shem, Ham, nu Jafeth. (Ham na Kanaan ba). 19Noah tsa kecheng na ayyi wi anyi tsüdi bamyithu.
20Noah na allikeca nyi kesü, ma kemeshentsse ton pi kisheng nyi atuwa. 21Ma kisengtssü pahan jjükeya seng wi ma dina wa, athsümeni khushi pi nu kemissü ma nithsüjjen wi jenben. 22Kanaan bawa Ham na ma ba kemissü tsü munu shhula ma cünyuwa keni kiza. 23Tsaseng wi Shem nu Jafeth manyi athsü pi manyi depfü wi chiya nu demisenneng lentsen du athsü pi manyi ba wheng cüa; manyi mmi pi manyi ba kemissü tsü n-ghang. 24Noah na metsa shagha nu ma tsa ghanyi ntsawa na ma miwi khati sa khe chüya, 25nu khi, “Kishen-keshi na Kanaan miwi benlo!
Ma ma cünyuthu magha kesü saden.
26Apvüwa Anyiza ya sawegü pi Shem cülo!
Kanaan na Shem maghawa saden.
27Anyiza na Jafeth#9.27: Jafeth: Anyan hawa ha Ibri jüh wina ‘jikayi’. sapi jikayi wa keyawa sa!
Ma shicüthu ya Shem nyithu gweghe hang keyawa sa!
Kanaan na Jafeth maghawa saden.”
28Atssükedon seng wi Noah na amapi 350 hang, 29nu ma kahang amapi 950 wi shüa.
Currently Selected:
ADECHHÜ 9: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
