LUKIN 17
17
Asia Tho
(Mt 18.6-7,21-22; Mk 9.42)
1Isuan a zolai ngai kom atia, “Asia a nan tho thei ei om rang ngala ke, tenchu anthopu rang chu ituk vanduai mo! 2Ama rang chu kol lung alianpa a ringa khita tipuia pei sabet inti mi sin te ngai asiana a masul nek ten. 3Hasik han anreng u ro imo nei tho!
“Na parualin asia atho ten rakok ro, ansir ten madual ro. #Mt 18.15 4“Na tak chunga nikhata voi sari masial a neia a masial kip a honga, ‘Na kom kan sir,’ ahong titen madual ro.”
Iamna
5A zolai ngaiin, “Puma nei iamna na manlian pe sa ro,” ati u.
6Puman a masanga, “Ancham ru tiat ngal iamna na don u ten, hiva tut kung hi ‘Anthot ro na razung le tipuia va mong ro!’ ti na tia na tel inti.
Suakin ei Tho rang
7“Mikhatin suak adona, phai atho mo ole bera rung mo. Sin ata ei hong tung le bu hong ne ro na ti len mo? 8Ha nimaka, ‘Ka bu nek rang thur ro puan bom tan kei nek kei sak sung na lei maruang ro, hava suale nang ne ro, ti u mak che mo?’ 9He a telam ni rase asuak kom raisanna chong mantung ni mo? 10Nangnim hantin na ni u; a tho rang dora na tho suale hintin hin ti ro, ‘Suak papei ke na ni nei tho rang ke nei tho.’ ”
Isuan Mi Som Amandam
11Isua Jerusalem tiang a pan han, Samari Galili rikung kola ase. 12Kho khata asena hava han mi som le antong hava ngai han aphar rikhua don u, ala uala anding u. 13“Isua! Puma! Lungkham na mu ro,” atina ankhek u.
14Isuan a muna ati pe, “Se tan chaizung in na en u rase.” Lampuia amani ha ei mandam. #Lev 14.1-32 15Angkhatin ei dam anmuna, ahonga kir ret, he anringpa na Pathian a manpak. 16Phila Isua ke kunga anboka raisan chong a mantung, ama ha Samari mi. 17Isuan ei ti, “Mi som adam; atei adam akua ngai le? 18Ichangmo hiva ram atei mi rong ei hong reta Pathian kom raisan chong ei ril?” 19Hatuka Isuan ama kom ati, “Anthui tan se ro; nei iam nan ana mandam zei.”
Pathian Ram Ei hong
(Mt 24.23-28,37-41)
20Pharisi senkhatin Isua a rakel, itikmo Pathian ram ei hong rang. “Pathian ram hi amutheia nimak ei hong. 21Tuten, ‘Sole enta, hile ti no ni;’ asik chu Pathian ram chu na kom ke.” tina ei masang.
22Hatuka a zolai ngai kom ati, “Hun la tung inti hava tika nikhat chu Miring Sapa la mu zot u na ti, tenchu mu u no ta ni. 23Hava tika min na ti unti, ‘Sole enro! Hile enro,’ tenchu a en ranga se u no ro. 24Khua ei anlek ramual asuk akhanga hintiang kola ata sontiang kol, havan tin anga nin ti Miring Sapa nikhua ani tik. 25Tenchu mansana aduk na sabak inti atun taka mi ngaiin pei unti. 26Nova damlaia ei ni anga nin ti Miring Sapa ham. #Anp 6.5-8 27Mi dora anek asaka, nupang, pasal, anom u na Nova rakuang alut nikhua tenpei hatuka tiliansang a honga athat kiar. #Anp 7.6-24 28Lot a damlai anga ni inti mi doran anek, asaka, arachok, azuara, alinga, asina. #Anp 18.20—19.25 29Lotin Sodom amak nikhua chu moi le sura gondok rua anga ahonga aloma athat kiar. 30Hantin han ni inti Miring Sapa anlang tik.
31“Hava nikhua inchunga omin insunga a neinun alak se no rase; hantin anga tualpanga om han ina kir lai no rase. #Mt 24.17-18; Mk 13.15-16 32Lot a nungak ha mandon ro! #Anp 19.26 33Ei damna andam zot ngaiin machan unti; machan rong ati ngaiin mazok inti. #Mt 10.39; 16.25; Mk 8.35; Lk 9.24; Jn 12.25 34Hava nikhua zana chu, kei na ril u ni zei, mi anni zamun khata azal, angkhat tuang inti angkhat mak inti. 35Nupang annin sang suk inti lokona angkhat tuang inti angkhat mak intia.” 36Pasal anni phaia sin tho unti angkhat tuang inti angkhat mak inti.
37A zolai ngaiin a rakel u na, “Puma, hovanmo?”
Isuan a masanga, “Ruak omna na chu, sarakuru ngai anchun unti.”
Currently Selected:
LUKIN 17: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
