LUKIN 16

Ahian khat Sumdon

1Isuan a zolai ngai kom ei ti, “A neipa khat a om, suak adon, ha suak han a donglua en. Ha a neipa ha a suakin a sum a mang atia anril. 2Hasik han a paia aril, ‘Na rui imo kei riat hi? Na sum mang akipa na man mu ro, ka dong a en rang ni thei lai mak che.’ 3Ha suak han aninga anti, ‘Ka puman ei na masuak rang ani zei ka sintho ata. Imo kei tho rang? Phil atuk um kei rat nok. Kut adom kei anzak. 4Ka riat zei imo kei tho rang! Ka sin anpei le, min ei na pham theina rang.’ 5“Hasik han a pu sum antang dora a paia. Manapu ha a paia a rakel, ‘Itukmo nei antang ka pu kom?’ 6‘Tin razakhat oliv sariak, sumvongpun hile nei antangna ngai,’ atina. Hatuka ‘ansut tan som ranga maziak ro,’ ati pe. 7Atei ret a rakela, ‘Nang le itukmo nei antang?’ ‘Bu phali asang khat,’ ‘Hile nei antangna ngai,’ ‘raza riat maziak ro,’ atipe. 8“Hatuka apun sumvongpu salui ha a manpaka atho dan ei riat sika ra-ang nai ngai neka ramual nai ngai chu ei hian anlang u atun taka ruia.”

9Isuan aril tira, “Keina ti u ni zei, ramual nei le mal rual sin u ro, asik chu ahek le, umor ina lut thei u na ti. 10Asintena a iamrua na ni ten alianpanam a iamrua ni na ti. Asintena iamrua na ni nok ten alianpanam iamrua ni no ta ni. 11Ramual neinun amanga a iamrua na ni nokten hontinmo neinun dik amanga aiamrua nei ni u rang? 12Mi neinun le iamrua na ni nok ten hontinmo na neinun min na pe ni?

13“Puma anni suak ni thei ngai mak angkhat mumaka angkhat a dit inti, hano angkhat lalchi thon ti angkhat tel no ni. Pathian le sum adorbo a dom rit thei u no ta ni.” #Mt 6.24

Isuan Eiril ngai

(Mt 11.12-13; 5.31-32; Mk 10.11-12)

14Pharisi ngaiin hava ngai ariat kiar u na Isua amani u, asik chu sum ei adit u. 15Isuan amani rang ati, “Nangni hi na ni u mi mu ranga asa anti ngai, tenchu Pathianin na malung ariat, miringin ani ei ti ngai dora Pathian mitmuna ite nimak.

16“Mosi Dan le deari ngai ei maziak ha Johon Baptispu tena ei anmang; hava suale chu Thang Ahui Pathian Ram rui anrila, mitin aluta. #Mt 11.12-13 17Anvan le phil anpei abei ual Dan ramal khat anpei nek ten. #Mt 5.18

18“A nungak a maka nupang atei alak ten uiare; hatuka ha nupang alak tak chu uiare. #Mt 5.32; 1 Kor 7.10-11

Aneipa le Lazar

19“Voikhat chu aneipa khat raliang aman alu le anlianga ahui ahek sabaka nikhuantin ei om. 20Hava han anriang khat a raming Lazar ataksa apan nek, ama ha, ha aneipa makota ahong ruai u chachak. 21Ha aneipa dokanga buramal achul ka man mo ti sabeia. Ui ahonga ei pan rathi ahong maliak chachaka.

22“Anriang te athina vanpalai ngaiin Abraham akola ansut ranga a choi u vanram bu nek nana. Aneipam athina aphum u. 23Athi khuana achan aduk ana, atanga Abraham ava mu, alapana, akola Lazar ava mu. 24Hatuka a pai, ‘Ka pa Abraham, lungkham na mu ro. Lazar hong tir tan la a kutchal manchopa ka adang na hong mandai pe rase, asik chu moia achan ka duk ana!’

25“Tenchu Abrahamin a masanga, ‘Na damsung mandon ro, asa dora nei man, Lazar chu asiat dora ei man. Atun ama chu ahui zei, nang chu na na zei. 26Hava panga na kong kara anthukpa ke, havan ata hivan tute hong thei mak, hivan ata havan tute hong thei mak.’ 27Ha aneipa han hanok, ‘Ka pa Abraham, Lazar na tir pe ro ka pa ina, 28parual atei ranga ka la don amani kom va ril rase amani lua chu hivan hong u no rase.’

29“Abrahamin a masanga, ‘Na parual ngai aril rang Mosi, deari ngai adon u; ei ril u ngai na parual ngaiin tel u rase.’ 30Aneipan amasanga, ‘Hatuk bak chu hun mak, ka pa Abraham! Tenchu athi ata angkhat pei sena va ril sela hanke a asia ata ei ansir u rang.’ 31Tenchu Abrahamin atina, ‘Mosi le deari ngai he arangai u nok ten hanum iam u no ni athi ata anthui ngal rase.’ ‘’

Currently Selected:

LUKIN 16: RANGBSI

Highlight

Copy