LUKIN 15

Bera Anpei

(Mt 18.12-14)

1Nikhat chu lei ansuang ngai le mi salui ngai ahonga Isua chong an ngai ranga. #Lk 5.29-30 2Pharisi le Dan minchu ngai ankhal u, “Hiva mi hi mi salui ngai akui a bum anek pui!” ati u. 3Hasik han Isuan hiva ankhina aril:

4“Mi khatin bera raza adona angkhat anpeia varok no ni mo? Somakua akua amaka angkhat anpei ha aman maseng. 5Aman le a raiasana a dara a raputa 6a ina achoi a mal le a inkol ngai a paia a raisanna rui aril, ‘Ka bera anpei ka man zei. Na phampui u ro,’ ati. 7Kei na ril u ni zei, vanrama raisanna atam ual mi salui khat a hong ansir le ansir lui somakua akua nek ten.

Sum Run Pei

8“Nupang khatin sumru som adona angkhat anpeia, lem abela, in aphiata, aveng nek, aman maseng chu arok no ni mo? 9Aman le alom ngai a paia a inkol ngai le lokona, hatuka achan, ‘Ka raiasan ka sumru anpei ka man zei na phampui u ro!’ 10Hantin den han kei na ril u ni zei, Pathian vanpalai ngai rai asan mi salui khat ansir le.”

Naipasal Anpei

11Isuan aril tira, “Voikhat chu, mi khatin naipasal anni a nei. 12Naipangin a pa kom, ‘Ka changai donglua ata atun na pe ro,’ ati. Hasik han a naipasal ngai anni a sem. 13Hatuka anzuar kiara poisa choia ram alapana asena a poisa choi ha amang kiar zei. 14Ei don dora amang kiar suale, maitam anrik sabaka ahonga ite donluia a om zei. 15Hava rama mi khat kom sin ava tho zei, a rahuana atira vok ngai arung rang. 16Vokin ei sak ngai ke asak zot zei, tuten asak rang ei pek nok sika. 17Nuka chu a malunga ahonga chui zei, ‘Ka pan sin ei man tho ngaiin ei hun neka don, hivan koi angoia a thi rang ka ni zei! 18Anthuia ka pa kom se reta vati ka ti, Papa, Pathian le na matona asia ka tho. 19Na nai atia apai rua ngal ni lai makung; na sin atho ngai anga na enro,’ vati ka ti. 20Hatuka anthuia a pa kom akir ret.

“A in ata alapa ke alani a pan ei mu achan; lungkham amu sabaka, atana ava kola hatuka abiang atum. 21‘Papa,’ Pathian le nang na kom asia kei tho, na nai atia apai rua ngal ni lai making.’ 22Tenchu a pan a suak ngai a paia, ‘Anrap u tan, raliang asa khit hong choi u tan manliang u ro. Zaketam man bun u ro, a kena kekok manbun u ro,’ ati. 23Se u tan serat amar va that u ro, sa urei pham urei! 24Hiva ka nai hi athi ata adam ret zei; anpei tenchu na man ret zei. Hatuka apham u zei.

25“Havalai tak han a naipasal ulian ha phaia sin atho ata ahonga kir, alam le maring rasa ariata. 26A suak khat a rakela, ‘I ang mo so?’ atina. 27‘Na naipa ahongakir ret zei,’ atia amasang, ‘na pan serat athat asik chu aring adama ei man ret sika.’

28“A upa achan a takasi hasik han in lut zot maka. A pa ahonga a hong mathem ina lut ranga. 29Tenchu a pa amasanga, ‘Hidor kum, suak anga sin kei tho. Na he khel thak makung. Imo nei na pek? Kel te ngal na la pe mak che ka lom ngai kei sak pui ranga! 30Tenchu hiva na naiin na donglua dora noti na ava manga, hatuka a honga kir, serat na that pe!’ 31‘Ka nai,’ a pan a masanga, ‘Nang chu hivan ka bila om chian na nia kei don dora hi na ta ke. 32Aphama na raiansan a nang, asik chu na naipa ha athi, tenchu adam ret zei; anpei, tenchu na man ret zei.’ ”

Currently Selected:

LUKIN 15: RANGBSI

Highlight

Copy