MATTHAÏOS 11

Ki nonglamktien na u Ïoannis u Nongpynbaptis

(Luk. 7:18-35)

1Haba U Jisu u la dep ai ïa kine ki jinghikai ha ki khat-ar ngut ki synran jong u, u la mihnoh na kata ka jaka bad u la leit noh ban hikai bad ïalap ha ki shnong kiba hajan hangta.

2Haba u Ïoannis u Nongpynbaptis u la ïohsngew hapoh ïingbyndi shaphang kiei kiei kiba U Khrist u la leh, u la phah sha u katto katne ngut na ki synran jong u. 3“Ïathuh ïa ngi,” ki la kylli ïa U Jisu, “phi long ma phi uta uba dei ban wan, ne ngin ïakhmih lynti ïa uwei pat?”

4U Jisu u la jubab, “Khie leit phai bad ïathuh ïa u Ïoannis ïa kaei kaba phi ïohsngew bad ïohi: 5#Isa. 35:5,6; Isa. 61:1kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk. 6A katno suk ka long ïa kito ki bym don jingartatien shaphang jong nga!”

7Katba ki synran jong u Ïoannis ki dang mihnoh, U Jisu u la kren shaphang jong u ha ki paidbah; “Haba phi leit sha u Ïoannis ha ka ri shyiap, kaei kaba phi khmih lynti ban ïohi? Ïa u sla phlang ba la pynkhun ha ka lyer! 8Ïa kaei phi ïaleit ban peit? Ïa u briew uba la kup da ki jaiñ ba-itynnat? Ki briew kiba riam kumta ki shong ki sah ha ki ïingsyiem! 9Ïathuh ïa nga, ïa kaei phi ïaleit ban peit? Ïa u nongïathuhlypa? Ho-oid da shisha, hynrei phi la ïohi ïa uba kham palat ban ïa u nongïathuhlypa. 10#Mal. 3:1Naba u Ïoannis u long uta ïa uba ka jingthoh bakhuid ka ong. ‘U Blei u la ong, ngan phah ïa u nonglamktien jong nga ha shuwa jong me ban plie ka lynti na ka bynta jong me.’ 11Nga pynthikna ïa phi ba u Ïoannis u Nongpynbaptis u long uba kham khraw ban ïa uno uno u briew uba la ju im. Hynrei uta uba rit tam ha ka Hima ki bneng u long uba kham khraw ban ïa u Ïoannis. 12#Luk. 16:16Naduh ka por ba u Ïoannis u la ïalap ïa ka khubor jong u haduh kane ka sngi hi, ka Hima ki bneng ka la shah ïa ka jingleh jubor, bad ki nongleh jubor ki pyrshang ban kurup ïa ka. 13Haduh ka por jong u Ïoannis baroh ki nongïathuhlypa bad ka Hukum u Moses ki la kren shaphang ka Hima; 14#Mal. 4:5; Mat. 17:10-13; Mrk. 9:11-13bad lada phi mon ban ngeit ïa ka khubor jong ki, u Ïoannis u long u Elijah, uba ïa ka jingwan jong u la ïathuhlypa. 15To shahshkor, te, lada phi don ki shkor!

16“Mynta, bad kaei nga lah ban nujor ïa ki briew jong kane ka por? Ki long kum ki khynnah kiba ïashong ha ki jaka ïew. Kawei ka kynhun ka pyrta ïa kawei pat, 17‘Ngi la tem ka jingrwai shongkurim na ka bynta jong phi, hynrei phim shym la shad! Ngi la rwai ïa ki jingrwai ïapbriew, hynrei phim shym la ïam!’ 18Haba u Ïoannis u la wan, u la shahjingit bad um shym dih waiñ, bad uwei uwei baroh u la ong, ‘Une uba shongksuid!’ 19Haba U Khun U Briew u la wan, u la bam bad u la dih, bad uwei uwei baroh u la ong, ‘Ha khmih ïa une u briew! U long uba lalot bad u nongdih, u paralok jong ki nonglum khajna bad kiwei pat kiba la shah kyntait!’ Pynban, ïa ka jingstad Blei la pyn-i ba ka long kaba shisha da kiba mih na ka.”

Ki shnong bymngeit

(Luk. 10:13-15)

20Ki briew ha ki shnong ha kaba U Jisu u la leh kham bun ki kambah jong u, kim shym la phai noh na ki pop jong ki, kumta u la pynrem jur ïa kito ki shnong. 21#Isa. 23:1-18; Ese. 26:1—28:26; Joel. 3:4-8; Amo. 1:9,10; Sekh. 9:2-4“Katno kan long kaba shyrkhei ïa pha, ko Khorasin! Katno kan long kaba shyrkhei ïa pha ruh, ko Bethsaida! Lada ïa ki kambah kiba la leh ha phi la lah leh ha Tyros bad Sidon, la kham slem ki briew hangta kin jin da la phong da ka jaiñ khain bad synreit da u dpei halor lade, ban pyn-i ba ki la phai noh na ki pop jong ki! 22Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Tyros bad Sidon ban ïa phi! 23#Isa. 14:13-15; Jen. 19:24-28Bad ïa pha pat ko Kapernam! Hato pha kwah ban kyntiew ïa lade sha bneng? Ïa pha yn bret sha tbian sha dujok! Lada ïa ki kambah ïa kiba la leh ha pha, la lah leh ha Sodom, kan jin da la sah haduh mynta! 24#Mat. 10:15; Luk. 10:12Pha lah ban sngewthikna ba ha ka Sngi ka Jingbishar, U Blei un pyn-i kham bun ka jingisynei ïa ka Sodom ban ïa pha!”

To wan ha nga bad pynjahthait

(Luk. 10:21-22)

25Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai. 26Ho-oid, Ko Kpa, kane ka la long kumno me la kwah ïa ka ba kan jia.

27 # Ïoan. 3:35; Ïoan. 1:18; 10:15 “U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

28“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait. 29#Jer. 6:16To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait. 30Naba ka lyngkor kaba ngan ai ha phi ka long kaba jem, bad ka jingkit ba ngan buh halor jong phi ka long kaba sting.”

Currently Selected:

MATTHAÏOS 11: KHACLBSI

Highlight

Copy